Chin State, Tonzang township, Tonzang khuapi pansan a om Ukna buluh (SAC)te’ battalion pen May 16, 2024 ni-in CNF leh a kipawlpihte in do kipan hi, ci-in CNF/CNA pan thu phungpi Salai Hteet Ni in gen hi. “Tonzang ah Kha Lah Yah (269) Camp khat bek om hi-in, tua kilakhiazo peuh leh Tonzang khuapi bup a lazo / ukcipzo mah tawh kibang hipah lel hi. Tuni zingsang kikap/ kidona kipanthei suak phot! Tu zingsang akipan kidona kipan hiphot ahih manin, thuthak (News) kician kingah thei nai lo suak,” ci-in Salai Hteet Ni in genbeh hi.
Galdona pen CNA leh CDFs kipawl khawm hi-in, SAC in Van lam pan huh uh ci-in Salai Hteet Ni in gen hi. Myanmar-India gamgi nai a om Tonzang khuapi pen India gam Manipur tawh kizom akhuapi khat ahih manin, Zomi thautawi kipawlna Zomi Revolutionary Army (ZRA) te in tua kiim-ah phual sat bek tham loin, Tonzang SAC tawh kipawlin, Tonzang township leh Tedim township pan mipite Beng (Opium) nasiatak ciing sak uh hi.
Chin State bupah Beng tam kiciin pen penna mun pen Tonzang gam hi, ci-in Salai Hteet Ni in genbeh hi. Tua manin Tonzang gam teng pen galvai leh Beng vai-in mipite’ ading a lauhuai dinmun suak ta hi ci-in, Salai Thet Ni in genkhia hi.
Hits: 3