September 2, 2023 || Tongsan Media Group ||
Chin State, Tonzang township ah phualsat a om Chin Defense Force – Tonzang ii battaion (3) te’ Camp pen Ukna buluh (SAC) leh Zomi Revolutioanry Army (ZRA) te’n abeisa August 30, 2023 nitak lam (3:00pm) hunin, va buluh in Camp lakkhiat sak uh cih kiza hi.
CDF- Tonzang, battalion (3)te’ Camp buluhna uh ah Drone mal nih, 60 MM Thau lawng khat, RPG khat, 40 MM lawng khat, AK thautang 1000 leh Motorcycel 7 akipan Antang ip 20 kim cih teng ZRA galkapte leh SAC galkapte kipawl khawmte in buluak sak uh cih Tualsung mite’n gen uh hi.
CDF – Tonzang leh SAC tawh kipawl ZRA te’ kikal Minutes 20 sung kikap uh a, CDF – Tonzang lam pan galkap 1 (lauhuai lo) in liam cih thu Tualsung mite’ genna pan kizasawn hi. CDF – Tonzang te’ Camp kibuluhna tawh kisai CDF – Tonzang pan General Secretary leh Spokesman te thu dotna nei dingin Phoen call hangin kingah zolo cih thu Ayeyarwaddy Times te tung pan kizasawn hi.
ZRA te’n Ukna buluh (SAC) makaipi Min Aung Hlaing pen abeisa 2018 kumin Chin Galhang Pahtawina Laipi a pia pawlte cih kiza hi. Galkapte’n ukna a buluh khit ciangin, SAC tawh kipawl uh a, SAC te’n galvan kisam khempeuh panpih uh cih thuging kizak hangin, Ayeyarwaddy Times te’n thuman leh thu kician kipsakna kinei theilo ci hi.
Chin National Font (CNF) galkapte’ sawlna tawh CDF – Tonzang ten Khuapi suksiat ding tampi vei hanciam na nei, amau ZRA (Eastern) pen kap ding tampi vei hanciam zelzel sawm uh a, a do masa ding hanciamna nei uh ci hi. Tua banah phalna om lopi in, va pai vingveng in phual va sat ziau Thau tawi kipawlnate zong Zomi/ Zogam sung pan a paikhiat theihna ding un Zomi Revolutionary Army (Eastern Command) in September 1, 2023 ni-in Thupulakna (Statement) khahkhia uh ci hi.
Kidona (Revolutionary) panlap in Tonzang gam sung a om Mipite lauthawng sak uh a, sangkah pilna sin sangnaupangte sang kahsak lo, Zato leh sanginn te suksiat lohna ding cih thute zong tua Statement sungah gelh uh ci hi. Zomi Thautawi (ZRA)te in CDF pawlte’ galphual (Camp) munte a suksiat sakna hangin, CNF leh CDF cihte tawh kikapna a nei zelzel uh cih kiza hi.
Source: Ayeyarwaddy Times
Translated: Tongsan Admin Team
Hits: 7