September 2, 2023 || Tongsan Media Group ||
Ukna buluh (SAC) in galkap kisam lua ta ahih manin, Vanlam pan galdo ngeilo galkapte pen galkap zia sinsak ding ci-in khemin sam uh a, Thusinna ah puak nawn loin galmai nawk / gamkuan ding (Front line) ah puakziau uh ci hi. SAC galkapte in tukum kha kipat pawl akipan Vanlam galphual mun tuamtuam a om nung thuap zumpite ah numei galkapte tawh kilaih sakin vaipuak a piakkhit nungah a om lai numeite pen Thusin sak dingin sam uh a, ahi zongin Thusinna ah puak loin Gam kuan dingin puak uh cih thu Nyipyitaw vanleng galkap zumpi a om galphual pan kiciantak thu kiza hi.
” Vanleng galkapte’ zumpi ah zum ngak Numei galkapte a laih dingin pasal galkapte kisam in Thusinna ah kipuak ding ci-in khembawl in sam uh hi. Battalion khatah a tawm pen mi 10 sam hi. Tua khitteh Thusinna ah puak loin, gam kuan dingin puak ziauziau uh hi. Abeisa nung kha in Karen State ah galmai nawkin Vanleng lam galkap pawl khatin liamna ngahin a sihlawh om hi.” ci-in Nyipyitaw Vanlam galkap zum pan thukiza ci hi.
SAC in ukna a lak khit 2021 May kha kipatcil akipanKawlgam sung mun tuamtuam ah Tualsung mi PDF galkapte, NUG kumpi galkapte leh Mualmi Thautawi pawl (EAO)te’ donna leh langpan nate nasiatak thuak laitak uh hi. Tulaitak in Kachin, Karenni, Chin, Mon, Karen, Shan, Thanin thari, Sagaing, Magew, Pagu cihte akipan State and Region te ah SAC galkapte leh Revolution PDF te kikal kikapnate tatsat loin om a, langnih tuakah liamna leh sihna tampi om ta hi.
A diakdiak in SAC galkap lamte Battalion Commander Major leh Duputy Commander Captain akihel nautang tampi a sihkhit banah galkap tampi kisam mahmah ta cih thu kiciantak kiza hi. Battaion sungah galkap kisam lua ahih manin, Vanlam galkap ding kisam kin lua ci-in, Thusisak ding cih tawh mi khemin, gamkuan sak kik ding kilau mahmah ta hi” ci-in battalion sunga om galkapten gen uh ci hi.
Tulaitak SAC galkap lut tawm mahmah ta ahih manin, galkap thak kaikhawm vaipuak neite in, Online tung pan sum bawl dan kineih khemin sam uh a, Galkap battalion sungah puak simna, Mawhna / khialhna lian neite gamkuan peuh leh a mawhna kimaisak ding cih tawh khemna, Lam gei a cimawh a sukvak tovak khangnote khem bawlin, galkap sungah puakna cihte akipan lampi tuamtuam tawh galkap zonbehna naistak nei uh cih kiza hi.
Galkap bu sinnate zongah a siau tawm semsem ahih manin, Thusinna ding siauhna a ni nunung pen (Deadline) te pen nivei vilvel a zekaisak bang mahin, amau pilna leh siamna ciangtan (Qualification) te zong tampi khiam / niamsak ta uh ci hi.
Source: Burma Media Consortium
Translated: Tongsan Admin Team
Hits: 11