July 27, 2023 || Tongsan Media Group ||
Magwe Division, Gangaw District, Saw Township, Kanchaung khua kiangah PDF te leh Ukna buluh (SAC) galkapte July 26, 2023 ni-in kikaptuah uh a, Ukna buluh (SAC) galkap lamte 4 si hi. Abeisa July 24, 2023 ni in zong Chin State, Kanpalet Township ah PDF pangkhawmte leh SACte kikap uh a, SAC galkapte 10 si cih PDFs lamten pulakkhia uh hi. Tua July 24 ni mahin Chin State,Lepong lamka kiang kikapna ah SAC galkapte 10 mah si uh hi.
” Ukna buluh (SAC) galkap ukna nuai a om Galkap department khempeuh pan CDM lut mang uh ci hi. Tuate’ pen Corps of Engineers, Rapid Infantry Brigade, Infantry Headquarters, Hand-to-hand army cihte CDM lut khin mang uh ci hi. Tha Hnin Thari Region, Karenni-Kazah State lamte zong a honhon in CDM lut uh ahih manin, SAC galkapte a koikoi ah nungkin uh hita ci-in NUG Defense Minister Secretary U Naing Thun Aung in genkhia hi. NUG Defense Minister Secretary U Naing Thun Aung in a genna ah “Tulaitak Ukna buluh (SAC) galkapte a si sazian tawh kisai pen kikapna galphual pan PDF galkapte’ ciaptehna leh adang Media source kician tuamtuam pan hong kipuak / a kingah sazian ahi hi” ci-in genkhia hi.
Magwe Division, Saw township kikapna sungah PDF galkapte, gangaw District No.(3,5,8, 13)battalion, CDF Mindat, CDF Kanpalet, Saw PDF (YRPA), YDF Saw belpawl galkapte tawh kikapna ah Ukna buluh (SAC galkapte nasiatak si leh liam uh a, PDF te lam asi aliam omlo cih pulak uh hi. Chin State, Kanpalet kikapna ah PDF, No.(1) Military region, Minbu District battalion (6), leh CDF Kanpalet Khonu division Joint army groupte leh Ukna buluh (SAC) te kikapna ah PDF belpawlte lam pan 5 liam uh cih thupulakna nei uh hi.
Ukna buluh (SAC) galkapte a si, aliam, CDM a lut tawh kisai sazian kician kithei zolo a, ahi zongin Ukna buluh (SAC)te lam pan Magwe Division, Chin State ah thupulakna neite’ kiang Phone tawh akidot hangin, Phone len nuamlo uh ci hi. Ahi zongin Chin State leh Magwe division sungah July 24-26, 2023 nithum sung kikapna ah Ukna buluh (SAC) galkap a si vekpi 24 si cih thu NUG in July 27, 2023 ni-in pulakkhia uh hi.
Source: RFA Burmese
Translated: Tongsan Admin Team
Hits: 6