July 27, 2023 || Tongsan Media Group ||
Daw Aung San Suh Kyi pen U Ti Khun Myat (Speaker of the People’s Hluttaw) tawh kimuhna nei uh cih thu a kinaipih mahmah khat kiang pan kiciantak thu kizasawn cih kiza hi. Ahi zongin cikni / bang hunin kimu cih kician in kigenkhia lo a, abeisa July 24, 2023 (Monday) nitak lamin Daw Aung San Suh Kyi pen Nyi Pyi Taw, a kikoihna / thongkiatna inn pan Minsiter Housing khatah kituah in, Inn thongkia (House Arrested) danin kikoih / omsakna pan kimu uh cih thukiza hi.
Zanni July 26, 2023 in Daw Aung San Suh Kyi pen Deputy Minister Housing khatah Inn thong kia (House Arrested) in kikoih ta ci hi. U Ti Khun Myat zong Ukna buluh (SAC) te’n (Speaker of the People’s Hluttaw) panmun lenin om lai a, Kalong Meeting zongah kah lai hi. Hong tung ding August 1, 2023 ni ciang a Nyi Pyi Taw ah kinei ding Presentation of Marawijaya Buddha statue leh Ukna buluh (SAC)te’ ciapteh Saikangno Kum 1 cin suah pawi phawkna ni ah Thongkia (prisoner) hon khat khahkhiatna nei ding uh cih thuging zong kiza hi.
Tua banah abeisa July 9, 2023 ni-in zong Thaland gamdang vaisaipi (Thai Foreign Minister) pen Kawlgam hong hawh vat a, Daw Aung San Suh Kyi tawh nai 1 val kimuhna leh holimna nei uh hi. Tua laitak in Daw Aung San Suh Kyi in Ukna buluh (SAC) te tawh kamkupna (Dialogue) neih theih ding gen hi cih thu Thai Foreign Minister) in International Media saite’ tungah genkhia hi.
Source: THN freelance journalist
Translated: Tongsan Admin Team
Hits: 9