July 27, 2023 || Tongsan Media Group ||
Cambodia gamah Kaal (Kidney) a zuak nuam mite huhin, sum tampi ngah theihna dingin, a simtham mi zuak nasem mi 12 pen Indonesia police te’n mankhia zo uh hi. “Hih thu pen thu lianpi hi a, mihing pumpi sehsuah in, zuak sim / lei sim nasep ahih manin, ahuh /a panpih Police te leh Immigration zum nasem ulian pawlkhat tung zongah mawhna om kha thei ding hi” ci-in Indonesia Police te’n July 25 ni-in pulakkhia hi.
Hih bang a mihing Kaal simtham a zuak mi 12 te pen Indonesia Police te in Combodia leh Indonesia gamte-ah thehzau-in a mat uh ahi hi. Hih mi zuak sim pawlte in sum leh pai haksatna tawh Kal (Kidney) a zuak nuam Indonesia gammi 122 sang a tawm zawlo ding pen Cambodia gam Zatote-ah puakin Kal lakkhiat (Operation) theih nading vaihawm sak uh hi, ci-in Police te in ummawh hi.
Jakarta police pawl pan gitlohna, mi thahna cihte a om loh nading nasem phual zumpi ah makaipi Mr. Hankey Hayadi in,”Tulaitak a kingah sazian om zah122 pen naseppih mite, sang siate le adang nasepna pan ulian pawlkhat zong kihel uh a, tuate khempeuh tu-in Indonesia gam hong tung kik khin ta uh” ci-in gen hi.
Palikte in a genna ah hih bang a mi zuak simna tawh kizomin Kal zuak khin om lai maw cih kan san lai tak uh ci hi. Kal langkhat la khia in, a zuakte pen abeisa pulna tun hun sungin sum leh pai ngahna ki-gakluatna hangin nasep neilote sum kisap luatna hangin dongtuak uh a, mihing sim zuakte zolna ciang dong a tung kha uh ahihna thu Mr. Hayadi in gen hi. Tuate sung pan mi 6 in Kal (Kidney) a lakkhiat zawh sawt nai lo uh ahih manin, Doctor ten a kep cing laitak uh cih thugen beh hi.
Tua banah mat a thuak mi 12 sung pan 9 pen Social media tung pan Indonesia gam mong lam ah sum le pai haksate zol bawl uh a zuak dingin mihing pua uh cih thu palikte in genkhia hi. Muanmawh mi khat Cambodia gam Phnom Penh khuapi Prakat Melira zatopi ah a puak denna pan a la khat ahi hi. Mihing zuak sim pawlin a mite tungah kal langkhat zuak man US $ 9000 kim ngah ding cih tawh zolin khem bawl uh ci hi. Abeisa 2019 kum pan kipan hih mi zuak pawl te’n mihing zuakna pan sum zuakna pan US dollar 1.6 million val ngah khin uh, ci-in palikte in tuat sak uh hi.
Indonesia gam ii Anti-trafficking Law te tawh thu kibawlte pen khialhna /mawhna akitheih leh a tam pen kum 15 thong banah liau sum US dollar 39000 kiliausak ding thukhun khauh tak nei uh hi. World Health Organization (WHO) mihing pumpi seh hawm a, dangka tawh lei / piakna pen abeisa 1987 kum akipan nasiatak kikham hi a, leitung gam a tamzaw in upadi (thukhun) zui / kizang ciat hi. WHO i tuatna-ah 2008 kum ciang dong ahang tuamtuam tawh leitung bupah a kibawl pumpi sung van akitangsamte thuah kikna (dammawh bawlna) ii (5% percent) pen thukham pal sat a (akh) sia le-pha khentel theihna tawh kituahlohna hangin ciamteh uh ci hi.
Source: People’s Spring
Translated: Tongsan Admin Team
Hits: 9