July 27, 2023 || Tongsan Media Group ||
Sagaing Divsion, Tamu Township, Khampat khuapi ah abeisa July 23, 2023 ni-in PDF te’n Khampat Police Station a kapna pan Ukna buluh (SAC) galkapte tawh nasiatak kikapna hangin, Khuazang bup inn le lo nusia in khuazang bupin galtai uh hi. Tua galtaina pan July 26, 2023 nitak (7:00pm) hunin inn vil ding a ciah kik pak khuami khat (SAC) te’n kaplum uh a, a luang pen Khampat town, No. (1) vengah mei tawh haltum cih kiza hi.
“Inn muang loin gal taina pan a ciah kik pak Khampat khuami pa Ukna buluh (SAC) galkapten kuami cih telcian lopi in zannitak nai 7:30pm hun pawlin kaplum uh hi. Inn leh lo kinusia muanglo a ciah pak nangawn kaplum banah Khua sung mun tampi mei tawh haltum uh” ci-in khuami khatin gen hi.
Tulaitak Khampat khuapi ah Ukna buluh (SAC) galkapte leh PDF galkapte kimaituah in kingim / kikap uh a, Ukna buluh (SAC)ten galvanleng tawh kap ziahziah banah Thaupi zong tawh tatsat loin kap ziahziah uh hi. Khampat khuami a si leh aliam zong om ci-in khuamite’n gen uh hi.
Abeisa July 23, 2023 ni-in PDF galkapten Khampat Police station kap masa uh a, SAC ten zong kapthuk pah uh hi. Tua akipan langnih tuak pan tatsat loin kikapna om suaksuak ahi hi. Ukna buluh (SAC) galkapten Inn hal kipan uh a, vanleng tawh tatsat loin Bomb khiat ziahziah uh hi. Hih kikapna leh bomb khiatnate a bei mateng khuami a si aliam leh Inn bangzah kangtum cihte kitelcian pan ding hi ci-in khuamiten gen uh hi.
Source: Khit Thit Media
Translated: Tongsan Admin Team
Hits: 3