September 16, 2023 || Tongsan Media Group ||
Magwe Division, Gangaw tonwhsip, Tintaw khua kiangah Dumto in galphual sat a kibusa Ukna buluh (SAC)te , Phwe Saw Htee te va busim in, nithapai phial nasiatak kikap uh a, SAC galkapte leh Phwe Saw Htee kigawm 7 in sihlawh cih thu ABSDF Column – 3 pan galkap thunei khatin genkhia hi.
September 15, ni zingsang (07:00am) kim pawlin Gangaw township, Tintaw khua ah phualsatna ding Dumto a om SAC galkapte leh amau sawltak Phwe Saw Htee te pen ABSDF leh akipawlpih ten busim uh a, nithapai pial nasiatak kikapna nei uh a, zan (9:00pm) kim pawlin, Tintaw khua pan amau phualsatna Myauk Khazan khua lamah nungkik uh hi.
Tua banah Myauk Khazan khua a om Phwe Saw Htee pawlte leh a kim apam a om Phwe Saw Htee te kikaikhawm in, Tintaw khua leitaw lamah Tintaw khuamite galmai tah dingin man uh a, Bukna dm a tawhsak laitak un ABSDF ten va busim kik uh ci hi. ” Amau bel Tintaw khua ah Phualsat ding hanciam laitak uh hi. Tuni bel zong kikapna om nawn kei! Myauk Khazan pen nusia khin ta uh, a gamvan laitak un khutlot bombte khat ka lakkhiatsak uh hi. Kikapna ah bel 7 si-in, 12 liam uh ” ci-in ABSDF Column – 3 pan thunei khatin gen hi.
Tua kikapna sungah Hanthawaddy khauneu a om ukna buluh (SAC) galkapte leh a sawltak (Phwe Saw Htee) te in 120 MM te tawh kikapna mun teng phial kap uh a, Tintaw khua pan numei 1 kha in sihlawh hi. Shwebo khuaneu pan zong pasal khat liam hi. Kikap /kidona sungah SAC galkapte, Phyw Saw Htee kigawm 7 si-in, 12 liam cih kiza hi.
Ukna buluh (SAC) galkapte, Phyu saw Htee te pen Kawlgam buppi Sangnaupang Democratics Galkap (ABSDF) galkapte No. 3, battalion No. (12) leh Bel pawlpih ahi; Gangaw PDF battalion (1), Gangaw District battalion (12), Gangaw District PDF Battalion (14), KKG, Gangaw Township PDFte, Hanthawaddy khua PDFte kipawl khawm in, a kapkhawm uh hi in, PDF lamte a si aliam omlo cih kiza hi.
Source: Khitthit Media
Translated: Tongsan Admin Team
Hits: 4