September 16, 2023 || Tongsan Media Group ||
Kawlgam sungah SAC galkapte in ukna a buluh akipan SACte a langpan / a do Chin Defense Force – Mindat galkap vekpi 56 in gam leh minam ading thupitak a nuntakna uh piakhia ta cih kiza hi. Sagaing Division, Kalaymyo zomah Mindat pen Spring Revolution ah tuah bangbang galhiam ahi; Zothau tawi-in ukna buluh (SAC)te nasiatak do uh hi. Amasa penpen kidona ah SAC te Commander level leh galkap Uliante kaplum in hingmat banah PDF galkapte’n khuasung leh khuamite dalin kemzo uh hi.
” Galkap tha tampi zangin khuapi nisuah, nitumna pan hong lutin khuapi busim ding a hanciam SAC galkapte pen omna kitheilo galsiamna tawh doin, cihna ding theilo in akikoih banah Mindat khuapi nisuahna lam pan alut galkapte zong Golf satna zangkuam kiang nasiatak kikapzial mang a, SAC te’ mawtaw 7 leh galkap honkhat , galvan, annek tuidawn cihte kilakkhiatsak in kizogawp ngingei hi” ci-in Chin Defense Force (Mindat) pan galkap khatin genkhia hi.
Tua hi a, hih Spring Revolution ah ukna buluh (SAC)te pen Zothau tawh akidona pen Kawlgambup a om Revolution nasemte tungah lungsim thapiakna lianpi ahih banah Thautawina bek tawh SAC te kizozo bek ding hi cih lungsim cihtakna leh hangsanna kammal Chin Defense Force te’n kilakkhia zo ahihna kimuthei hi.
Source: Ayeyarwaddy Times
Translated: Tongsan Admin Team
Hits: 4