July 24, 2023 || Tongsan Media Group ||
Chin State, Hakha University ah sang sia / siamahte CDM lut a tam luatna hangin, laihilh ding Sia/ Siamah omlo ahih manin, Lecturer level te Associate professor dinmun ah panmun kipia mengmeng cih thu ukna buluh (SAC) khutnuai a om pilna lam zumpi (Ministry of Education) pan pulakna nei uh hi.
Hih bangin Hakha University ah sang sia omloh manin, Lecturer panmunte pen kum 2 laihilh nasepna (Experience) bek tawh Associate Professor panmun piaktoh ziau theih ding cih thu July 21, 2023 ni-in Ukna buluh (SAC) te’ khut nuai a om Pil sianna zumpi (Ministry of Education ) pan sikkhau lai ah kisuaksak cih kiza hi.
University ah Associate Professor khat suah theihna dingin, Doctorate sin kullo in associate Professor ngahna tawh kingah lel ci-in, Ukna buluh (SAC) khut nuai a om Pilsinna zumpi (Ministry of Education) te’n July 21, 2023 ni-in, sikkhau lai khakna ah gelh uh ci hi.
Tua banah abeisa 2017 kum akipan Chin State (Naga) a om Zatote ah galkapte’ medical University khat peuh peuh pan Siavuante pen kum 2 nasepsak uh a, a tun kik / a man ciangin amau deih khat peuh ahi Medical Science (Doctorate) sinsakna leh amau om nopna galkap zato (Army hospital) or battalion ah omsak thei uh a, tuni ciang dong kum 2 khatvei ta siauhna (application) sam zel uh cih kiza hi.
Ahi zongin abeisa April 2023 kha sungin Chin State ah University sang sia akisam / kisiausak sangin, 2021 kum lai akisiausak mi kiam zaw bek tham loin, Sang sia 19 bek om ci hi. 2022 October kha sungin Chin State, Thantlang khuapi ah PDF galkapte Ukna buluh (SAC)te’ kapna / dona thuak uh a, Ukna buluh (SAC) galkap (army doctor) 2 mangcip / si cih tawh misi sazian kipia hi. Tua banah Ulian 3 akihel galkap nautang 6 zong si cih kiza hi.
Source: Khit Thit Media
Translated: Tongsan Admin Team
Hits: 3