August 15, 2023 || Tongsan Media Group ||
Kachin State, Hpa Kant township, Manah khuaneu kiang Suang-eng tawhna/ sepna munah leisai cipna hangin leivuh / a mangcipte’ sung pan tuni August 15, 2023 nitak lam (6:00pm) hun ciangciang misi luang 25 kimukhia ta cih hotkhiatna nasemte khatin gen hi. Abeisa August 13, nitak lam (3;00pm) hunin Jade Leaf Company te’ sepna mun pi 300′ asang leisai mualpi leh Bual kengbaangpi kicim ahi hi. Leisai kicipna buancim nuai ah a mangcip minsazian kipia vekpi 39 om cih hotkhiatna nasem pawlte khatin gen hi.
Misi zonna pen zanni August 14 ni akipan zonkhiat kipan hi-in, tuni August 15, nitak lam (6:00pm) hun ciangin misi luang a banban kimukhia ci hi. Leisai cipna mun a om khatpa genna ah, “misi luangte bel amel apuam kithei nawnlo zahin sialua mahmah hi. Misi luangte pen Tuipuan (Plastic) tawh kituam cipin, a min kithei khate min kigelhsak hi. Akitheilote bel tua bangin kikoih mai ” ci-in genbeh hi.
Akimukhia pasal misi luang 25 sungah min kitheilo / a nei kitheilo 5 bek om ci hi. Leisai kicim pen zanni August 14, (Sunday) nitak lam (3:00pm) hun pawl ahi hi. Leisai kicim buancim bualtui sungah Suang-eng zong nasem 37 kivukcip cih thu Social Service Organization ten sazian a baawlna pan kitheikhia hi.
Abeisa 2022, February 28 ni in zong Hpa Kant township, Melling Jaune khua a om Myanmar National Company and Shan Roma Company te’ suang tawhna munah leisai kicim in, Company nasemte leh Suang-eng to nasem vekpi 80 val si hi. British pansan Global Witness human right te’ sazian bawlna ah Myanmar gam mun tuamtuam ah mi 400000 kim Hpa Kant ah Suang-eng to leh a zongin om uh a, nuntakna luang khawm in nasem uh ci hi.
Source: Citizens Journalist
Translated: Tongsan Admin Team
Hits: 9