August 14, 2023 || Tongsan Media Group ||
Kalaymyo, Buda lamka (Rail Station road) kiang Bogyoke Road lampi tung a om Joy Restaurant maiah Nin phiatna ah August 14, 2023 ni zingsang in bomb puakkham a, Tualsung mi pasal khatin sihlawh cih khuamite’ tung pan kiza hi. Tuni August 14, ni zingsang (08:00am) hun pawlin Joy Restaurant mai ah a Pa Lun Lam Thang (Kum 39) pen Niin phiat / ninbua a om laitak Bomb khat puakkham ahih manin, a khe 2 kitan in, zato kipuak pah himah leh damzo nawn loin si cih Kalaymyo tualsung mite’ tungtawn in kiza hi.
” Amah pen zingsang tungin Ansai mai teng sianthona bawlin omin aman khinsa himah hiven, a siang sitset ding deih lua liangin, Niinbung kim a hahsiang laitak Bomb om lam theilo ahih manin, bomb puakkham hi” ci-in tualsung mi khatin gen hi. Nasia liam lua in, Zato kipuak pah himah leh si veve mawk ci hi. Bomb puakkhap zawh a sawt loin SAC galkapte leh palikte honpi khat tung uh a, bomb puakkhapna mun teng encik in hahsiang uh ci hi.
Hih bangin tualsung mite’ omna vaksuk vaktohna mun khawngah Bomb kitamna hangin, mipite kilinglawh mahmah hi. Bomb koihte kuami, kua ngongtat pawl hi ding hiam cih kitheizo nailo ci in gen hi. Kalaymyo khua sungah tusung tengin bomb puakkhapna om kiukiu a, abeisa August 8 ni-in zong Tahan – Letpanchaung lampi kiangah Bomb puakkhapna hangin, Chin mi pasal khatin sihlawh cih kiza hi.
Source: Khonumthung
Translated: Tongsan Admin Team
Hits: 5