August 8, 2023 || Tongsan Media Group ||
India gam Manipur State ah abeisa May 3, 2023 ni akipan Meitei (Katee) minam te leh Kuki- Zomite’ kikal minam buaina hangin, Mizoram State ah galtai Kuki – Zomi vekpi 12629 bang om ta ci-in August 7, 2023 ni-in Mizoram kumpi in pulakkhia uh hi. Galtaite a tamzaw pen Manipur State leh Mizoram state gamgi a om Kolasib District sungah 4443 om in, a tam nihna ah Aizawl District ah 4272 om ci hi.
Mizoram State kumpi’ ciamtehna ah galtai omna (Camp) vekpi 38 kibawlsak in, tua Camp 38 sungah galtai 2780 om uh a, adang 9849 te pen amau leh amau Inn sap in om uh ci hi. Manipur State ah abeisa khua khaal hun sung akipan minam vai buaina hangin, nung June kha sung nikhat bekbek in Kuki-Zomite 6 si cih kiza hi. Kawlgam panin zong Mizoram State ah galtaite’ omna (Camp) 160 kibawlsak in, galtai vekpi 32000 val om a, bangladesh gam panin zong galtai 700 val mah om cih kiza hi.
Source: Zalen
Translated: Tongsan Admin Team
Hits: 3