August 19, 2023 | Tongsan Media Group |
Sagaing Division, Kalaymyo – Tamu kikal lampi tung a om Bohkan (Zohmun khua) kiang ah August 18, 2023 nitak (8:30pm) hun in Ukna buluh (SAC)galkapte’n gal vanleng tawh Bobm khiat uh cih khuamite’n gen uh hi. August 18, nitak lam (3:30pm) hun akipan (5:00pm) ciang Malu Suangmeihol lakna lamka ah galphual sat a om Ukna buluh (SAC) galkapte pen mipi galkapte ahi; CNDF, PDF (Thado), NLA kipawl khawmte’n va buluh uh hi. Malu suangmeihol lamka pen Bohkan (Zohmun) khua tawh Tai 3 kigamla, Khampat khua tawh tai 7 kigamlatna ah om hi.
Bohkan khuami khatin a genna ah, ” Ukna buluh (SAC) galkapte’ a guallelh uh ciangin, Vanleng tawh kap kipan uh hi ta hi. Khuamite bel khat zong a liam omlo hi. Ko, Bohkan khuamite leh Malu khua mite kigawm vekpi mi 500 val India gam Manipur State lamah nitak khuamialpi in kitaikhia hi. India kumpi in hong deihlo / sang zolo uh hi mah leh ko, Kuki (thado) mite bek ka hih manin, khuamite’n minam , biakna cihte deidan loin hong sangin hong lut sak hi. Tuni zingsang bel kikapna a omloh hangin, Thau lawp gawp uh ahih manin, kilinglawng gawp ” ci-in gen hi.
Source: Zalen News
Translated: Tongsan Admin Team
Hits: 6