Karen State, Myawaddy khuapi kiang Thingan Nyinaung kimah phualsak a om Light Infantry Battalion 355 ah leng SAC helicopter khat KNLA leh PDF kipawlpihte ahi Cobra column pawlin kapkhiat sakin SAC Battalion ukpipa Brigadier General Aye Min Naung leh Khah Hmah Zah (9) battalion Commander akihel 4 si uh a, 2 te nasiatak liam uh ci hi.
Helicopter a lenkhiat khit vanleng tualpi pan mm 50 kim a tuntoh laitak Sniper tangpi tawh nihvei a kapna pan kha-in, kiasuk pah ahih manin, Drone lam siamna nei Officer leh engines lam siam mi 2 bek suakta uh cih thu SAC galkapte’ sikkhau lai pen Karen gal lam saite’n mukhia uh hi.
Hih Helicopter pen Piantit (france) bawl Eurocopter AS 365 namte hi in, SAC in ukna a buluh khit 2021 December 16 ni akibawl 74 cinna galkapte ni-in, honna leh tuisiangtho thehna nei-in galkap lamah zat dingin a koih uh cih kiza hi. Tua banah helicopter pen US$ 9 million man hi a, mi leh van puak kawikawikna akizang namte ahi hi.
Thingan Nyinaung a om Khah Mah Zah355 (Light Infantry battalion) ah galkapte encik ding a pai MI-17 leh hih Eurocopter helicopter pen tuni January 29, 2024 nitak lam (2:30pm) hunin KNLA leh PDF kipawlte’n Karen state leitaw lam District No. (3), Cobra Column pawlin Missile point 5, sniper akipan Thaupi leh Thauneute tawh nasiatak a kapna pan Vanleng hawl (Pilot) kapkha lian uh a, vanleng kia cih thu PDF galkap makai khatin genkhia hi.
SAC khut nuai a om Social Media page tungah akigelhna ah Helicopter pen Khah Mah Zah (356), battalion headquarters ah a tusuk laitak Cobra column pawlin machin guns tawh na pang kholin, a kapna hang leh helicopter a pai ding thuzakna nei kha uh hi ding ci-in kigelhkhia cih kiza hi.
Hits: 1