Shan State (Southern), Hobon Township sung a om Pao Militia (PLO) pawlin amau huam sung kikepna/ kidapna (Security) paulap in khuamite’ tungah zawhthawh thu tawh galkap lutsak cih kiza hi. Pao Autonomous Region, Special Region 6, Hobon township sung a om khuaneu 5 valah kum 16 pan 40 kikal pasal peuh mah mipi galkap (Pao Militia) dingin zawhthawh thu tawh galkap lutsak cih kiciantak Media phualpi khatin genkhia hi.
“Zanni January 28, ni in Pao khuaneute ah khuamite kisam hi. Pao mipite leh Mualmi kipawl khawmte’ kikepna leh kidalna ding cih paulap in, SAC galkapte in a galvante khia (Surrender) sak uh suak ve. A taktak ah bel PNO te galkap tha behlap hi lel uh hi.” ci-in Media ten gen hi. Tua thu tawh kisai in Hobon township sung a om khuamite akidotna ah SAC galkapte’n a nung lam pan a sawl sim uh hi-in, Pao Galkap (PNO) makai-in galvan guan uh cih thu kiza hi.
” Hobon sung a om Pao khua mite pen mee (vote) khiasak uh hi. Mee ngah khate PLO galkap lut sak pah uh. Galvan bel Thau lawng khat, thautang bawm 4, leh uniform silhkhat pia uh” ci-in genkhia hi. Mee (vote) ngahte pen Pao khuaneute ah zan thapai galvil sak ding ci-in, tu ciangciang kiciantak thukiza ci hi.
” Thakhat thu in galkuan ding sawl khiapah hisam lo hi. Mee ngahte in amau tawh kisaina / kisaina munte ah nitak galvilna, sun sungah PNO ii sawlna bangbang sem ding” ci-in gen hi. Tua tadih bel Pao mipi galkap (PNO) in galkap thak 100 val ngah khinta uh a, tua galkap thakte ading akizoppih khuaneute in annek tuidawn leh khasum pia ding cih kiza hi.
Hits: 2