July 28, 2023 || Tongsan Media Group ||
Karenni State, Phasong khuapi pusuahna leilu lam a om Ukna buluh (SAC) galkap 40 kimte’ omna galphual pen July 27, 2023 zingsang lamin Karenni Army (KA)te leh Phasong PDF kipawl khawmte’n va kap uh a, SAC galkapte 20 kim si-in, a galvan uh zong honpi khat matsak / ngah khia ci-in, Karenni Army (KA) Commander-in-Chief Colonel Bone Naing in Thuthak kante’ tungah genkhia hi.
Ukna buluh (SAC)te’ tung pan galvan kingahte pen Photo record pawl khat, thauvui thautang lam pan Thaupi tangte akipan RPG, Enagers, and thautang neute a tul asim kihel ci hi. Tua banah kiho / kizopna set leh SAC galkap battalion 66th and 55th te’ Awm suan (badges) kituah puan (Uniform)te zong ngah uh hi. Phasong township, Than Lwin gunleipi nisuahna lam pen abeisa July 21, 2023 ni akipan Ukna buluh (SAC)te in lei lam battalion 3 kipawlin, Vanleng tawh nisim in kap ngekngek uh hi.
Tua banah July 26 ni sun lam akipan Tan Lwin hunpi nisuahna lam a om Phasong township, Kyauk Pan Nyo khuano khengin, Mae Se township, Kyauk Suh khuaneu ah a lut SAC galkapte leh Karenni kipawlkhawmte’ kikal ah kikaptuahna khauhpai semsem hi. Tulaitak kidona omzia tawh kisai a neng atawng in thunei / vaisaite’n gen cian thei nailo uh ci hi.
Abeisa June kha Nipi nihna sungin Mease khuapi pen Karenni kipawlkhawm te’n a lakkhiat / buluak khit akipan a ngah kik zawhna ding uh SAC ten galkap a lom atang in behlap in, June kha Nipi thumna sungah galdo kipankik uh a, tuni dong akizom toto ahi hi.
Source: People’s Spring
Translated : Tongsan Admin Team
Hits: 7