Piantit (France) gamah a minthang mahmah khat ahi; Bayeux galphual thukante pahtawina (Bayeux Battlefield News Award) kici pen Haiti gam, Myanmar gam, Middle East leh Ukraine gam galvai buainate sungah thuthak kankhia (Journalist) te akipia ahi hi.
Hih Thukan (Journalit te pahtawina a ngahte pen abeisa 2021 ngongtat galkap (SAC) te in ukna a buluh khit akipan Kawlgam sungah lut simin, thuthak leh man (photo news) lam tawh kisai asem ahi Britain – Italy man zaih nasem Journalist Siegfried Modola in ngah hi. A diakdiak in Myanmar gamah ngongtat (SAC)te abeisa khang tampi akipan tuni ciang dong tatsat loin, a do den ahi Karen mualtung mite thu leh vai tawh kisai kiciantak in man (Photo) tawh ngah khia in, Canada’s Globe and Mail ah kisuakkhia sak hi.
‘’ Inside Myanmar’s Armed Uprising” cih thulu tawh man (Photo) abawl theihna dingin, kum nih val bang hun pia in nasem hi. Ama thuakna tawh kisai thugen theihna hun a piate tungah lungdam ing ci-in Photo Journalsit pa in gen khia hi, ci-in Piantit gam Radio France International te in abeisa October 9 ni-in pulak khia hi. Syria gamah Islamic State of Iraq and Syria (ISIS) ngongtat pawl in abeisa 2012 kum manin, a kiphawk khalo gal mat Britain minam John Cantlie kicipa ii thute kan khia-in The Times kicite’ ii Britian thu kan Anthony Loyd in zong hih pantawina ngah ngei hi.
Tua banah Ukraine gamah nihvei thuman lo a pumpi suksiatna /buanna a thuak numei khat thu zong kiciantak kankhia in, Swiss RTS Radio leh France Info thu kanpi Maurine Mercier le Haiti palikte le gangstar kikal kido thu ciaptehna a bawl CNN pawl in zong hih pahtawina ngah hi.
Hits: 2