October 11, 2023 || Tongsan Media Group ||
Ukna buluh (SAC) Cabinet member ahi; Lieutenant General Mo Myint Tun leh Brigadier General Yan Naung Soe te pen Kumpi tungah thumanlo / zuau gen cih thukhun tawh khantawn Thong (life imprisonment) khum dingin khensatna kinei cih October 10, 2023 ni-in SAC in pulakkhia uh hi. SAC thukhunte palsat, langpang uh a, angsung hamphatna, Kumpi thukhun mai lam nasepnate leh ngimna tupnate palsat in kumpi tungah zuau phuakna in gamtat sia uh hi cih thu teng tawh SAC in pulak uh hi.
Gamdang ah nek sathau zuakna tawh kisai Central Bank ii ciangtan sakna US dollar manzah sangin, a vallua in a meet bawl / a semte theipipi-in, khaamlo /manlo bek tham loin, tuate tawh akizom Companyte’ tungtawn in sum neksimna (corruption), gamdang sum (dollar) leh adang sumte thuman loin, akhut sungah kep simna, galkap thukhun palsatna leh gam mipite’ sumlei sumzuak nasepna ah akipawlna hang cih thuteng tawh SAC galkap thukhen zumpi pan thusitna leh thukhenna kinei ahi hi.
Lieutenant General Mo Myint Tun pen hih thukhenna a thuak ma in, SAC Cabinet member, Chairman of Myanmar Investment Commission, Chairman of the Foreign Exchange Supervisory Committee leh Chairman of the Central Committee for Fair and Speedy Trade and Goods Flows cih panmun tengah makaipi sem hi.
Brigadier General Yan Naung Soe zong Joint Secretary of the Central Committee for Trade and Goods Flow, panmun len banah gamdang sum leh Kawlgam sum khekna nasepna (exchanged Myanmar kyats for foreign currency with businessmen) lamah Lt. Gen. Moe Myint Tun tawh kithuah in sem khawm uh hi. Sumbawl sumzuakte leh Companyte’ tung pan thuman loin, sum nesim (taking bribes) uh a, thuman loin gamdang sum (dollar)te amau khut sungah kem sim, galkap thukhun leh dante langpang (violating military regulations), nautangte’ sumzuak nasepna ah kihelna (participating in civilian business activities) cihte hangin, khantawn thongkia dingin SAC in thukhen uh ahi hi.
Chief of Staff (Army) Lieutenant General Moe Myint Tun pen SAC Cabinet sungah panmun (rank 6) na hi-in, ama tungah Senior General Min Aung Hlaing, Junior General Soe Win, General Maung Maung Aye (Commander in Chief of Army, Navy, Air); General Moe Aung (Chief of Defense Navy); General Tun Aung (Chief of Defense Airforce) cih teng mi 5 bek om uh hi.
Translated & Posted: Tongsan Admin Team
Hits: 7