Sagaing Division, Minmu Township, Letlohtaw khua-ah ukna buluh (SAC) galkapte’n khuami 30 val a honin thatlum uh hi, ci-in CDSOM Bo Shin Kya in pulakkhia hi. May 11 ni zingsang tung (05:00AM) hunin Mimmu Township, Gui pintaw khua ah phualsat a om SAC galkapte pen Letlohtaw khua sungah thaupi, thauneu tuamtuam tawh nasiatak kap uh ahih manin, khuasung mipite Phungzi sangah a bukna uh ah pasal khempeuh a honin kaplum uh hi. “60 MM nam thautangpi sawmthum sawmli kim a lot khit uh ciangin khua sungah hong ut uh. Tua khit ciang, thauno tawh khatvei kimkot in hong lut kik uh a, mipite tampi liam uh hi. Phungzi sangah kibu ngeingai himai. KhuSaklam sang-ah mi 8, khanglam sang-ah mi 20 val om. A kithat khempeuh luang 30 val pha. A liam 5 te zong zato kipuak. Pasalte bek that uh. Numeite bel PDF omna innte dongin bangmah cih saam kei uh. Pasalte that gai uh,” ci-in CDSOM pan Bo Shin Kyar in pulak hi.

Tua akithatte lakah Letlohtaw Phungzi sang-aa mason(ပန္းရန္) sem Wanphih khuami pasal 3 kihelin thaupi thauno hangin numei, kum tam khinte, naupangnote zong kihel, cih kiza hi. “Thaupi tawh kapin hong lut uh ciang, a gamla zong kitai man loin numei, pasal, ulian, naupang cihte a kiim-aa Phungzi sangah lut uh a, tua sung-aa pasal khempeuh manin a thuapthuapin that uh. A kiasuk siluangte lui sungah koihin sing tawh hal uh. A vekpi-in bel kang sam kei. Pawlkhat bel a meel kitel nawn lo. Siluang lakah numei kihel lo. Liam a, a lunghimawh huai lakah numei khat kihel. Lunghimawh huai ci uh. A liam pasal numei kigawmin mi 10 val deuh pha-in um ing. Naupang bel kihel lo. Kum 16 gual pasal khat bel kihel. A kithatte lakah,” ci-in CDSOM pan Bo Shin Kyar in gen hi. Tua SAC galkapte pen zingsang nai 8 le a lang kiimin Letlohtaw khua pan Ye Po Sa khua-ah pusuak, cih kiza hi. SAC te a taisan GuiPin khua leh Letlohtaw pen tai khat le a lang kiim kigamla hi, cih thu kiza hi.

Hits: 1

Byadmin

Leave a Reply

Your email address will not be published. Required fields are marked *