August 12, 2023 || Tongsan Media Group ||
Mon State, Thanphyuzarat townahip, Weikhami village kiangah Rohingya 145 pen August 11 ni zingsang in SAC in man cih kiza hi. Hih Rohingya te pen lampi bawlna suangpua Mawtawpi 3 tungah a tuang uh hi-in, Thanphyuzarat pan tai 14 gamlatna Weikhami khuaneu, Thanphuyazat – Zyi kikal ah tuni zingsang 10:00am hunin kiman uh ci-in Mon state, Ukna buluh (SAC) thunei Dr. Aung Myat Kyaw Sein in gen hi.
” Tuni zingsang nai 10:00am hunin Thanphyuyazat a zuan ding lampi a suangpua Mawtaw tung pan kiman uh hi a, amau pen 145 pha uh a koi lai pan hong pai uh hi a, koi lamah paisawm cih kithei loin, galkido laitak ahih tawh galmai nawk akizang hithei tak maw” Akimante sungah pasal 127 leh numei 18 kihel ci hi. Hih Rohingya te pen Thanphyuyazat khuapi, Setthit Veng Township Sport Stedium ah kikoih in thudotna kinei laitak ci hi. Rohingyate pen koi lam pan kipan hi a, koi lamah pai ding cih kiciantak kithei nailo ci hi.
August 7, 2023 ni-in zong Ronghingya 55 te’ tuanna Gunkuang khat Rakhine state, Sittwe tuipi ah tumin mi 17 misi luang kimukhia in, pasal 8 suakta uh hi. Tua banah Mon state, Kyaik Tho township, Mayanchaung khua Kisitna kongpi (Gate) ah abeisa June 19, 2023 ni-in zong Rohingya 6 SACte’n man uh hi. Rakhin State leh Bengladesh Refugee camp te ah ateeng Rohingya te pen nasep maban nei loin, nuntak haksatna hangin Malaysia gamah luang khamin paikhia uh hi.
Source: RFA Burmese
Translated: Tongsan Admin Team
Hits: 5