Myanmar gamah gal kikapna hangin abeisa July kha bei ciangciang gambuppi ah inn leh lo nusia a galtai dongtuak vekpi 1.9 Awn (1900000) pha ta ci-in United Nations Office for the Coordination of Humanitarian Affairs (UNOCHA) in August 10, 2023 ni-in pulakhia uh hi.
Tua sung pan mipi Awn 1.6 kim pen abeisa 2021 kum February kha sung a Ukna buluh (SAC) khit a piangkhia hi-in, kikapna leh daihna omlohna hangin, mipite galtai khia mang uh ahihna UNOCHA in gen uh hi. Tulaitak a kikap / kidonate leh khuahun siatna a tuamtuam hangin, inn leh lo nusia tatsat loin om a, gentheih haksatna thuak zong a nisim in kibehlap semsem cih genbeh hi.
A diakdiak in Myanmar gam nitumna leilu lam, nisuahna leh Kachin, Rakhine state tengah tam pha diak ci hi. Sagaing Division Tamu township ah abeisa July kha sung akipan kikapna hangin, mipi 10000 kimten inn le lo nusia in galtai uh a, inn leh lo zong tampi kihalsak cih thu UNOCHA in genkhia hi. Huihpi hangin a piang tuikhang tuiletna leh mencipna cihte hangin, Mon state, Karen State, Thanhinthaye Division leh Rakhine state ah khuapi khuaneute ah annek tuidawn akipan kisapna tam mahmah cih kiza hi.
Source: RFA Burmese
Translated: Tongsan Admin Team
Hits: 6