Shan State, Namkham khuapi laizang Phungzi sang huan sungah akibu phual SAC galkapte leh mipi dal galkap pawl (Militia Joint Force)te pen Ta’ang National Liberation Army (TNLA) te’n November 7, 2023 (Tuesday) zingsang tungin a vekpi in busim bek tham loin Camp lakhiazo banah galvan tampi sutkhia zo cih thu TNLA thukizakna phualpi pan pulak uh hi.
Hih galphual (SAC) galphual pen zanni Nov. 6, 2023 nitak akipan khakcip uh a, tuni Nov. 7, ni zingsang (05:45am) hunin a vekpi lakhiazo uh cih Ta’ang galkap (TNLA) in pulak uh hi. Galvan namkim (28), Pistol lawng (1) leh galvan tampi a ngah khiatna uh Photo tawh kiciantak lakkhia uh hi.
Shan State (Northern), Nam Kham khuapi pen Ta’ang provine, Brigade (1) galphualte kihel hi. Tuni Nov. 7, pen “1027 Operation” ni 12 cinni hita in, MNDAA; TNLA leh AA makaihna tawh Northern Alliance Force galkapte in SAC galphualte tawlnga loin busim uh hi.
Hits: 6