Sagaing Division leilu lam a om District level khuapi khat ahi Kawlin khuapi pen PDF pawlte in ni 4 sung kikapna aneih khit November 6, 2023, zingsang (06:00am) hunin khuapibup lakhia zo / sutkhiazo taktak ta uh cih kiza hi. Kawlin khuapi pen mualkuam saupi in a umcih khuapi hi a, Mandalay – Myikyina kikal Meileng lampi tung a om ahi hi. PDF kipawl khawmte in abeisa November 3, 2023 ni zingsang lam akipan galkap tha honpi khat tawh busim in nasiatak kido uh hi.
Nov. 6, zingsang (08:) hun pawlin Ukna buluh (SAC) galkapte in a nunng pen a panlakna uh ahi Kawlin Township General Administration Department Office huang sungah SAC galkapte’n Dialkhat kang (White Flag) khai-in a galvante uh tawh kipumpiak uh ahih manin, PDF kipawl khawmte in Khuapi buluak zo taktak uh hi. Kikapna sungah SAC lam pan 60 val si-in, tampi hingmat uh hi. SAC lam pan vanleng tawh akapna hangin khuamite a si leh aliam 20 val om hi. PDF kipawlkhawmte’ lam pan zong a si aliam om uh a, kiciantak kithei cian nailo cih thu kiza hi.
Ukna buluh (SAC) te’ phualsatna munte ahi; မြေစာရင်းရုံး (Land Registry Office), မြန်မာ့စီးပွားရေးဘဏ် (Myanmar Economic Bank ), အထက်တန်းကျောင်း (high School); ရဲစခန်း (Police station); မြို့နယ်အထွေထွေအုပ်ချုပ်ရေးဦးစီးဌာနရုံး (Township General Administration Department Office) cihte busim zo uh a,District level khuapi khat akilak khiat masakna penpen ahih banah Galvan namkim lawng 54 leh thautang a lom atang ngahkhia uh cih NUG, Ministry of Defense zumpi in pulakkhia hi.
” Kawlin vai thupuak kingah in, Katha Khah Mah Zah (309) sung kilinglawng hi. Bomb bukna leibukte thakhat kito ciat pah” ci-inKatha khuapi ateng khuami khatin genkhia hi. Tua mah bangin Kawlin khuapi leh akizom Wonthu khuapi zongah SAC galphualte’ sungah a ngeina bang loin kibuaina om khengkhang ta ci-in khuamiten gen hi.
” SAC galkapte hua lam tai ding maw! hih lam taizaw ding ci-in om uh hi. Tu’n amau tai ding hun a tung hita! Galvan khia in kipumpiak (surrender) ding cih bek kiza veh aw” ci-in khuami khatin genbeh hi. Htee Kyaing khuapi zongah General Administration Department Office (အထွေထွေအုပ်ချုပ်ရေးဦးစီးဌာနရုံး) pen Nov. 6, zingsang in kikhakcip a, zum nasemte khempeuh SAC galkapte’ phualsatna Mya Thein Tan mualtung ah taikhia mang uh ci-in khuamiten gen hi.
Hits: 7