October 14, 2023 || Tongsan Media Group ||
October 7, 2023 ni akipan Israel leitaw lam a om Hamas ngongtat pawlte Israel galkapte’n busim / a kapna ah a diakin Hamas Commando galkap makaipipa (Commander of the Hamas Commando) Ali Khadi pen October 14, 2023 ni-in van lam pan kaplum ta cih thu Israeli Ministry of Defense zumpi pan pulak uh hi.
Hamas ngongtat makaipipa Ali Khadi leh a nung zui pawl khat a bukna Innpi pen Israel thukan pawl (Israeli Intelligence) ten a sul zon khit teh Israel galkapte’n tua Hamas makaipite’ bukna Innpi Bomb akhiat thei uh ci hi. Ali Khadi pen abeisa 2005 kumin Israel thukante ten manin a thong ah khum ngei khin uh a, 2011 kum ciangin Israel – Palestine thongkiate kikhekna thukimna tungtawn in, akikhahkhia kik Palentine mi thongkia 1000 valte’ lakah akihel ci-in, Israeli Defense Ministry zumpi pan genkhia uh hi.
October 7, 2023 ni a Hamas ngongtat pawlte in vanlam pan (aerial glider) zangin a ngongtatna ah Hamas Glider makaipi Abu Marad, zong October 13, nitak Israel ten Phulakna bomb khiatna ah si-ta cih thu Israeli Ministry of Defense zumpiten pulak uh hi.
Hits: 3