October 14, 2023 || Tongsan Media Group ||
Kachin State, Myitkyina – Ba Hmaw lampi tungah gal mainawk a om Ukna buluh (SAC) galkapte’ zat ding vanleng tawh akhiat uh annek tuidawn leh Galvan honpi khat pen Kachin Independence Army (KIA) te’ lamah khiat khial uh ahih manin, KIA galkapte’n ngah uh cih thu KIA galkapte’ tung pan thukiza hi.
October 14 nitak lam (3:00) khit deuhin Kachin State, Myitkyina – Ba Hmaw lampi, Nam sanyang, Aungja, Madian lei lam galmai nawkte a do kawm un, a awk cip (SAC) galkapte’ ading Vanleng tung pan Van tuamtuam leh galvan pawl khat khiat uh a, tua vante pen KIA galkapte in ngah mang uh cih kiza hi.
Tua banah annek tuidawn leh galvante pen KIA te in a ngah khit banah SAC galkapte gal vanleng tawh bomb khiatna, tulaitak Mo Mauk khuapi leh Wai Hmaw township gamgi Lai Luai Aung Ja Camp kiang, Nam Sanyang lam tengah kikapna tatsat loin om ci hi. SAC galkapte in tua Camp mun teng a khahsuah khitteh galkap tha behlap in do san uh ci hi.
Hits: 1