October 5, 2023 || Tongsan Media Group ||
Magwe Division, Pakukko township, ah Myaing PDF te leh Ukna buluh (SAC) galkapte tawh kipawl Pyue Saw Htee makaipi Phu Zin ii ukna teng PDF te’n va busim uh a, SAC galkapte leh Pyu Saw Htee kigawm 5, si cih Myaing PDF pan thunei khatin gen hi.
September 30 ni-in, Pakkuko Township, Ywa Thit khua, Taung Ywa, North Ywaya, Yenan Chaut, Oh Chaing, akipan khua 5 teng busim uh a, Ywa Thit khuaneu leh Yenan Chaut khuaneute tawmvei a khakcip khitteh khua sung a om mipite tungah amau utlohpi in, NUG kumpi thukimpihna ding leh khua sungah PDF phuhkhiat theihna ding thusinna / holimna neihpih uh cih kiza hi.
Tua bang a kido / kikapna sungah Ukna buluh (SAC) galkap battalion 88, nuai a om galkap 1, Pyusawhtee 4 si uh a, 5 liam ci hi. SAC galkapten Yenan Gate No (3) leh Banka 1, ngah khia uh a, Jump Machine 1, battalion 88 nuai a om galkap puan (uniform)te, galkap vanzat (military equipment) te a ngah khiat banah gal huh ding a pai Gunkuang (Motor boat) 5 sung pan 3 kapzan uh hi. Ukna buluh (SAC) galkapte nungkik in taimang uh banah a si, aliam kician lianlo a, PDF lamte 2 zong gen tham loin liamna ngah uh cih kiza hi.
Hih kikapna pen Pakkoku District battalion 8, Myaing – PDF battalion 2 pan Company 1, Company 2, Company 3, Myaing Rural Guerrilla Force (MRGF), Salingyi Special Task Force (SSTF), Yin Ma Pin District, Battalion-14, Battalion -15 leh Earthquake People’s Defense Force (EPDF) cih teng kipawl khawm uh ci hi.
Tua banah October 1, ni in, Mandalay Division, Nyaung Oo Township, Ywa Naung khuaneu a teng Pyusawhtee makai U Phu Zin ii teenna Inn pen Enagabothis bomb tang 6 khiat in kap uh a, a tawpna penah Mawtaw neu akipan sulawh in a vekpi in lakkhiat sak uh cih thu Myaing PDF makai thunei khatin genbeh hi. October 2, ni-in zong Pakkoku District, Ayartaw Yenan a om Ukna buluh (SAC) galkapte’ phualsatna mun pen Drone lianpi tawh Enagabothis bomb 40-50 kim khiat in kap uh a, SAC galkap 4 si-in, misi luangte Gunkuang (Motor boat) 2 tawh Bagan – Nyaung Oo lamah puakkhia uh ci hi.
Tua banah October 3, ni-in Pakkoku Township a om Pyusawhtee khuate ahi; South Ywaza, North Ywaza, leh Yenan Chat khuate Drone tawh bomb tang 40-50 kim mah tawh kap leuleu uh a, a si aliam om banah SAC galkapte phualsatna Seihkhawa Ywa khua ah Mawtaw tawh puakhia uh hi. October 4 ni-in Wazi khuaneu kiang a om SAC galkapte’ kipanna Gate pen Enagabothis tang 20 khiatin a kapna ah SAC galkapte 2 si cih kiza hi.
Tua kikapnate pen Myaing U. A. V Fighter Drone galkapte, Earthquake People Defence Force Drone galkapte, Myaing PDFte, Salingyi Special Task Force-SSTF Drone companyte, Myaing Rural Guerrilla Force (MRGF), Pakokku District Battalion 8, Myaing PDF leh District 4 teng kipawl khawmin, a kap / do uh cih kiza hi.
Source: Khit Thit Media
Translated: Tongsan Admin Team
Hits: 2