October 14, 2023 || Tongsan Media Group ||
US Secretary of State Anthony Blinken leh Palestinian Authority President Mahmoud Abbas te October 13, 2023 (Friday) ni-in Jotdan gamah kimuhna nei uh hi. Abeisa nung kal sung October 7 (Saturday) ni-a Hamas ngongtat pawlte’n Israel gam a busimna hangin Israel te’n phula kik uh a, Gaza zang kuam ah kidona khauhpai banah buaina akibehlaptoh nawnloh nading deihna tawh America thuneite’n kikupna nei uh ahi hi.
US Secretary of State Anthony Blinken in Israelte a panpihna lak kawm leh Israel ten Gaza kuam do ding akiginkholh laitak in, Middle East lam va zin ahi hi. Hih akhualzin sungin buaina leh kidona akibehlaploh nading lunggulhna tawh Jordan King Abdullah zong tawh Jordan gam Ammon khuapi ah kimuhna leh holimna nei uh hi. Tua banah Hamas pawlte tawh akithutak mahmah akipawlpih uh ahi Qatar, Suadi Arabia, Egypt leh United Arab Emirates gamte zongah US Secretary Anthony Blinken pai kawikawi dingin geelna nei ci hi.
Hits: 4