October 14, 2023 || Tongsan Media Group ||
Ukna buluh (SAC) khut nuai pan galkap hon khatin CDM alutnop uh hangin, kizpna kinei zolo zong honkhat mah om a, sephuai leh huailo akhinkhai zong om ahih ahih manin, khatvei akisamkik hi cih thu PDF Zoland pan thuneiten genkhia uh hi.
“Amaute zong bel ahitheilo/ seploh a phamawh pawl khat om hi. Bangbang ahi zongin tutung in bel amau ngaihsutna leh khensatna bek tawh omcip loin, mipite tawh amanlang in hong kizom un ci-in, tha kipia hi. Bangni, bang hun ding cih bel kitheilo hi. Khuapi busimna Camp ah kimuh thei leng ko, hong kikhem ding hilo ka hih manun, amau innkuanpih zi leh tate, lawm leh gualte ading mannei sak nuam hi ung! Gam thak phuhkhiatna zongah amaute zong kihelsak nuam hihang. Tua manin amaute pen CDM lut ding khatvei akizawn kik hi hang” ci-in PDF Zoland makaipa in genbeh hi.
Ukna buluh (SAC)te leh Palikte in galvan, thauvui thautangte akipan CDM a lutte Thau lawngkhat, a tawm pen MMK. 5000000, Thautang te khuahun vanman tawh sehsak in kipia ding hi. Galvan hoih deuh namte pen MMK. 5000000, leh a tung siah kipia ding hi ci-in, PDF Zoland pan thuneiten gen hi. Galvan keng lo CDM hong lut Palikte leh galkapte pen Pahtawina kipialo ahih hangin, omna khawlna ding kicingtak kivaihawm sak in, mun muanhuai ah kipuak ding ci hi.
Tua banah Ukna buluh (SAC) te khut nuai a Department tuamtuam pan nasemte zong CDM a lut nuamte amau omna ding kigeelsak a, mun muanhuai munah kipuak in kivaihawmsak hi cih thu PDF – Zoland tung pan kiza hi. PDF -Zoland tungah SAC te’ Infantry Military te leh adang battalionte, Palik phualpite ah galkapte leh palikte kigawm vekpi 30 val bang CDM lutkhin ta cih kiza hi.
PDF – Zoland pen Chin State, leilu lam Tedim khuapi huam leh akim a pam township te ah ukna buluh (SAC)te langpang leh a do thau tawi kipawlna khat hi a, October 2, 2023 ni a khuazin mipite’ tung pan thumanlopi leh a vallua a, zawh thawh thu tawh sum ngen SAC ii Police Lt. Sgt 1, leh palik nautang 4 te zong kimanzo hi cih thu PDF- Zoland in pulakkhia hi.
Source: Khonumthung
Hits: 7