Abeisa May 27, 2024 ni Tedim khuapi kidona-ah gam leh lei suahtakna ding nuntakna a piakhia PDF-Zoland တပ်ရင်း (၄ ) တပ်ခွဲ (၁) တပ်စု(၂) တပ်စိတ်(၃) ဒုတပ်စိတ်မှူး Saalpha Tg. Suut Mun Mung @ Mungtawng’ luanghawm pen a pianna Tuithang khua-ah kipua in, Nu leh sanggamte leh khuapih tuipih in thupitak vui ding geelna om himah leh ZPCC/ZRA in a khua sung lut ding limlim phallo cih kiza hi.
A nuntak lai-in a lawmte kiang a genna ah, ” PDF Zoland ah kong lut zawh ka Nu leh sanggamte tawh kimukha nawnlo! Ka Nu tawh khatvei bek kimu pak nuam sam ing ei! Ciah mah leng ZRA te’n hong man ding uh,” ci ngetnget ngei cih thu a lawmpa PDF-Zoland galkap khatin ama Facebook tungah suaksak cih kiza hi.
Apianna Tuithang khua-ah a luanghawm akivui theihloh ciangin, Tedim gam Vaangteh khua Hanmual ah May 29, 2024 ni-in PDF-Zoland pan a lawmte leh Pasian nasem pawl khatin vuina nei thei uh cih kiza hi. Kawlgam, Zogam leh Zomite’n suahtakna bucing (Federal Democracy) ngahna dingin a Tuailai nuntakna a piakhia Tg Sut Mun Mung zahtakna leh Pahtawina i piak kawmin, Tongsan Media Group pan Dahpihna i pulak hi.
Hits: 4