Mizoram State, Aizawl khuapi kiang Hlimen khua leh Melthum khua kikal akipan mundang pawl khatah May 28, 2024 ni guah tam luatna hangin khua sung nasiatak Mencim a, mihing 30 val si cih hi. Mizoram kumpi genkhiatna ah Hlimen khua leh Melthum khua kikal a om Suangtum lakna mun mencipna ah mi 20 val si-in, nitak lam ciangciang misi luang 13 kimukhia khi in, 9 kizonsan cih kiza hi.
Misi luang kimusa 13 lakah 9 pen Mizo minam hi uh a, 4 te pen India gam thuk lam mite ci hi. Hilmen khua Mencipna ah innkuan 2 lei (buancim) in vuuk nuai ah mangcip in, tuate’ sung pan misi luang 6 kimukhin ta a, misi luang 2 te kizongsan hi. Hih misi luang kimusa 6 te’ lakah Mizo minam 2 leh adang 4 te State dang pan ci hi.
Tua banah Aizawl khuapi kiang Falkawn khua leh Aizawl khuapi Salem veng zongah Mencipna hangin, mi 7 si-in, misi luang 5 kimukhia zo hi. Adang 2 te pen kizongsan laitak ci hi. Hih Mencipna ah Mizoram kumpi in misite khat ciangin Rs. 400000 ciat pia ding ci hi. Tatsat loin guah zuzu lai ahih manin, Aizawl leh akim khuanote ah Mencim kizomzom lai bek tham loin, a si amang zong kibehlap totolai cih kiza hi.
Hits: 4