Rakhine State ah kikapna kipatzawh ni khat sung bekin ukna buluh (SAC) gamgi cing pawlte’ phualpi (Military Council Border guard camps) leh Palik phualpi kigawm vekpi 40 kim khah suah ta uh ci-in Rakhine galkap (AA) te’ tung pan kiza hi. ” Ko belin SAC galkapte, Palik phualpite ka lakkhiatsa uh om ta hi. Adang zong tuni November 13, ni zingsang (07:00am) hun pawlin SAC galkapte’ phual ahi; ချိန်ခါလီ နယ်ခြားစောင့်စခန်းကို (Changkhali Border Guard Station) zong lakkhia leuleu ta hi ung. ဒုံးပိုက်စခန်း (Done Pike border outpost Camp) bel zanni Nov. 12, ni in lakhia khin lai ung “ ci-in Rakhin galkap (AA) thugenpi U Khaing Thu Kha in genkhia hi.
November 13 nikhat sung bekin SAC te in Border Guard Station leh Police station kigawm vekpi 40 kim khahsuah khin ta a, akim nai a om SAC Campte zong Police Station 3 pan SAC galkapte kipawlkhawm uh ci-in Rakhine galkap (AA) thugenpi Khaing Thukha in November 14, ni-in thusuah bawlna ah pulak hi.
Tulaitak Rakhine State sungah a piang kikapna tawh kisai in, ALP party ah General Secretary ahi Major Khaing Thurein in, “Tulaitak a kikapna tawh kisai bel gen luat ding om kei! A hun cing lua ta ahih manin, a piang hilel hi! Kikapna om kei leh bel hoihzaw ve! A piang khin suak ahih manin, a hoih thei pen lampi teelin kalsuan a sepkhiat ding himai! Ei sep theih ciang a hoih penin sep ding hilel hi. Ko, belin hih vai tawh kisai in, kiginkholhna zong nei mah ung! Ahi zongin a vekpi in gen dah mai ni! ” ci-in ALP Pary Secretary Major Khaing Thurein in gen hi.
Rakhine galkap (AA) te in Min Pya township kikapna mun 2 sungah Sit Thwe pansan Khah Mah Yah (344) Battalion ah Major Thant Zin Tun ဒု-ရင်းမှူး (Lieutenant Commander), Captain Phyo Zeya Hlaing, တပ်စုမှူး (Platoon Commander) te akipan galkap vekpi 10 leh Maungdaw kikapna ah SAC galkap 1 teng pen galmat in kipummat uh ci hi. Tua kikapna sungah SAC lamte neihsa Thautang, galvan zat tuamtuam tampitak akingahkhiat banah ဒု-စစ်ကြောင်းမှူး (Deputy platoon commander) akihel SAC galkap 25 si uh a, Rakhine galkap (AA) lam zong pan 6 si cih kiza hi.
Hits: 11