Shan State, Kunlong township, leitaw lam a om Kanmai region ah phualsat SAC galkap (Mah Yah Khah) ukna nuai a om Khah Lah Yah (143) battalion, galkap 41 te pen Laizom Pangkhawm 3 te (Three twin Brothers Alliance) te’ kiangah a galvan teng khempeuh uh tawh lut / kipumpiak (surrender) uh cih Kokang galkap (MNDAA) in pulakkhia uh hi. Galvante khia in akipumpiak SAC galkap 41 te’ sungah 1 Vice-Battalion Commander 1 leh Company Commanders 2 kihel uh hi.
October 29,2023 ni in MNDAA in “Ko, battalion pen MNTJP party ii makaihna tawh kizui in, gamvai (Politics) nasem Revolution kipawlna hi a, mihing mawk thah ding cihte peuh mah geelna leh tupna om lo ahihna leh Ka galmatte uh zong thukhun tawh kituak in ngaihsutna picing tak tawh kemin kikhoi ding hi” ci-in, Revolution galkapte’ thukhunte genkhia uh hi.
Tua banah langnih makaiteng ni thapai thukikupna nei uh a, October 30, 2023 ni in SAC galkap Khah Lah Yah (143) battalion buppi Galvan teng tawh ki-ap / kipumpiak uh hi. Galvante, thauvui thautangte khempeuh zong amau Battalion galphual ah koih in nungkik uh cih kiza hi. Akipum piak SAC galkap 41 teng ading MNDAA in mi khat lamsap MMK. 1500000, ciat pia uh a, akigawm vekpi MMK. Teng 700) val piakhia in, lungnuam takin omsak uh ci hi.
Tu in SAC galkapte pen tawm mahmah ta uh a, battalion khatah mi 100 kim bek om ahih manin, a taimang tawh, a si aliam tawh nisim kibehlap semsem ta ci-in MNDAA ten genkhia hi. “ Kachin State, Kamai region kim a om SAC galkapte pen hih bangin battalion buppi gallel in, galvan tawh hong kipumpiakna tawh kisai in, SAC galkapte’ sungah kisiatna leh kitapkhapna om taktak ahihna kimuthei hi “ ci-in MNDAA te’ galkap makaipi khatin genkhia lai hi.
Khah Lah Yah (143) battalion pan a ngahkhiat Galvante pen; Kizopna setvan mal 3, Rifile lawng 27, Machine Gun neute lawng 5, RPG lawng 2, Sniper lawng 2, 5.56m thautang ippi 1, Machine gun lianpite 2, Type – 82 Thaupi 1, 60mm Thaupi 2, 5.56 Thautang ip 11, 5.56mm Shot Gun thautang mal 8, Inaga nam kim mal 3, 82mm Bomb tang 91, 100mm Bomb tang 80, Bomb nam tuamtuam 247, 82 mm bomb tang 91, 100mm bomb tang 46, MA-4 lawng 4, Mobile phone 28, Kihona set mal 7, Antang ip 38, Readymade Food Card 12, Kalabe ip 3, zatui nam tuamtuam Card 5, Sathau gallonpi 3 leh Vok luang 1 cih teng ngah khia uh cih kiza hi.
Hits: 5