Chin State (Zogam) ah Pil sinna sang lamah pilna sangpi nei-in, Kawlgam kumpite nangawn in hong it/ zahtaksak mahmah uh ahi Siapi Prof. Dr. C. Thang Za Tuan @ Siapu Tuann0, B.Sc; Dip. Ed. (Credit); HGP; MA (Macq.); PhD (YIOE); D.Litt. (Honoris Causa) in agelh khiat ” Chin State (Zogam) pan Ngeisok Paakpalhte ” ချင်းတောင်တန်းက တောင်ဇလပ်ပန်းပွင့်များ’ (Rhododendron Flowers From Chin Hills) cih laibu thak liklek pen tuni October 31, 2023 ni-in Bethel Baptist Church, Mingyi Road, Taungthugone, Insein , Yangon ah honna leh Khahkhiatna nei cih kiza hi.
Tua laibu pen Zo Minam Ni (Zomi National Day), Kum 75 cinna “Diamond Jubillee” phawkna leh pahtawina tawh a vaihawm hi-in, Chin State (Zogam) bup huam sungah mipil, misiam, kumpi nasem ulian madawk minthangte leh Pasian nasem madawk teeltuam mi 85 te’ Tangthu leh asepnate kicingtak kigelh cih kiza hi. Laibu ahih leh laimai (page) 280 pha in, a golna leh zaina (Size: 6”x 9″) pha a, Kawllai (Burmese version) leh Mikang lai (English version) nam 2 in khen hi.
Laibu man bel bukhat MMK 10000/- tawh kizuak dinga, ahi zongin Laibu honna leh khah khiatna hunah akihelkhate mantawmno (Discount) tawh leisak uh ci hi. Laibu honna hun sungah Yangon khuapi sung a om mipil, misiam, lai lam lunglutte leh Pasian nasem tampi kihelthei uh a, an lim mahmah tawh vaak ziahziah cih kiza hi.
Laibu bawlpa Siapi Prof. Dr. C. Thang Za Tuan in alaibu gelhna ah, “Leitungah tangthu i cih pen minhoih / minpha tawh a minthang mi thupite nuntak khuasak zia leh a sepkhiatnate tungtawn in mai lamah pilna kingah / kilatoto ahi hi. A pahtawi huaite thu kan semsem le’ng a pahtakhuai mi piang semsem hi” ci-in thumasa-ah gelh hi.
Laibu tawh kisai gamsung gampua mun tuamtuam ah kihawmkhia ziahziah ta bek tham loin, a nuai a munte ah kingah thei ding cih Tongsan Tanute’ tungah zasak hi.
Kawlgam (Myanmar):
Tedim
(1) Nu Ngai Sawm Niang, TEO., Cel: 09 257 990 930
Head Officer Nu Zam LianCing, Cel. 09 448 045 181
(2) Dr. Thuam Khan Thang, Principal, Bethel Bible College
Tonzang:
Pa Thang Sian Mung, TEO., Cel. 09 442 127 320
Falam:
Pa Hum Za Thang, TEO., Cel. 09 762 572 183
Hakha:
(1) State Education Office,
Nu Vung Lam Kim (Kimpi), Cel. 09 257 686 689
(2)Nu Kai Go Man,A/D, Ethnic Literature and Culture Dept. Cel.09 250 102 372
Kalaymyo:
Rev.Job Nang KhawThawng, Cel. 09 450 975 225
Gamdang lamte:
Sia Hau Mung, Tulsa, USA
Syama Niang, Portland, USA
Nang Lam Tuang, Pau Mun Lian, Tokyo, Japan
Note: Gamdang mun tuamtuam zongah asawt loin hong kizasak lai ding hi.
Hits: 21