September 14, 2023 || Tongsan Media Group ||
Ukna buluh (SAC)te’ makaihna tawh a (20) veina ASEAN Vanleng Galkap Makaipite’ Khawmpi (20th ASEAN Air Chiefs Conference) pen September 12-15, 2023 ni sung Nyipyitaw ah kibawl a, Brunei, Cambodia, Laos, Thailand leh Vietnam gam (5) pan Chiefs of Air Force teng bek kihelthei uh hi. Philippine leh Singapore galvanleng galkap makaipite’n Video message tawh thugenna nei uh ci hi. Hih Ukna buluh (SAC) makaihna tawh kibawl galvanleng galkap mangpite khawmpi ah Phiplippine, Indonesia leh Malaysia te akihelnop lohna uh Meeting hun tun ma pekin, zasakkhol khin mang uh hi.
Akihelnop lohna a hang bulpite pen Ukna buluh (SAC) te’n ASEAN Thukimna thu 5 (the 5 ASEAN Common Agreements) a zuihnoplohna hang; Gam mipite vanleng tawh cikzialo takin, a thahna thute hangin, hih SACte’ makaih Meeting ah akihello uh cih thu Philippines, Indonesia, leh Malaysia ten kiciantak genkhia uh hi. Tua bek tham loin, hih gam 3 te pen SACte’ makaih Conference ah akihelloh ding tawh kisai pen Justic for Myanmar ten zong ASEAN gamte tungah ngetna nei uh hi.
Kumsim akibawl hih ASEAN Vanleng Galkap Makaipite’ Khawmpi (ASEAN Air Chiefs Conference) i deihna bulpite pen; Kidalna lamah kipawlkhopna ding, Ngongtat kicite limlim langpan bek loin hepkhiat ding leh khuahun siatna hang khat peuhpeuh tawh dongtuakte kihuh / kipanpih tuahna ding cihte bulphuh in ASEAN Air Chiefs Conference kibawl ahi hi. Tua banah hih ASEAN Air Chiefs Conference pen mai kum ciangin Combodia gamte innteekna tawh kibawlkik ding hi. Kawlgam ah abeisa 2014 kumin khatvei kibawl khin a, tutung a tawh a nihvei kibawlna hita hi.
Source: Burma Media Consortium
Translated: Tongsan Admin Team
Hits: 3