September 14, 2023 || Tongsan Media Group ||
SAC galkapmang Min Aung Hlaing in abeisa 2021 kum February 1, ni ukna a buluh akipan kum 2 leh alang val sung a matcip uh State Counsellor Daw Aung San Suh Kyi pen a nuntakna a lauhuai dingin SAC a geelna omsa ahih mah bangin, a cidamna tawh kisai limtak donlo uh ahihna NLD party zumpi pan tuni September 14, 2023 ni-in pulakkhia uh hi.
Gambup mipite’ deihna leh thukimna mee tang (vote) tam pen a ngah Daw Aung San Suh Kyi (Kum 78) pen galkap mang Min Aung Hlaing in gam thu tawh kisai Tavaun aletsuak nop manin, mi khat mawhsakna tawh amat / akep ahi hi. Ukna buluh (SAC) in Daw Aung San Suh Kyi tungah gamvai tawh kiman Thongkia khat ii ngah theih hamphatna (rights) te akhaktan banah omna khawlna, annek tuidawn akipan cidamna lam kikep, kibawlna dingte kicingtak in kibawlsaklo /khaktan uh ahih manin, tulaitak a damlohna tawh kisai suksia / lunghimawh huai mahmah dinmun ah om cih thu kiza hi.
Tua manin Daw Aung San Suh Kyi ii damlohna lauhuai dinmun tawh kisai-in, banglo khat a pian zenzen leh Ukna buluh (SAC) tungah vaipuak khauhtak om ahihna leh nasiatak thukibawl ding ahihna thu NLD zumpi pan tuni a tangkona sungah genbeh hi. Tua banah hih thu tawh kisai UN leh leitung gam makai tuamtuamte, gamveng ASEAN makaite, gamsung gampua a om SAC langpang mipite khempeuh tungah Aung San Suh Kyi leh gamvai tawh akiman thongkiate khempeuh ading panpihna leh huhnate khauhpai semsem dingin ngetna nei uh hi.
Source: Burma Media Consortium
Translated: Tongsan Admin Team
Hits: 5