August 18, 2023 || Tongsan Media Group ||
National Unity Government (NUG) ii No (1) Military Dictrict akiciamteh Sagaing Division, Magwe Division, Mandalay Region leh Shan State leilu (Northern) cih tengah abeisa July 1- 31 kikal sung kido /kikapna vekpi gawm 439 vei a omna sungah Ukna buluh (SAC) galkapte 400 si uh a, 574 liamna ngah uh hi. Mipi galkap (PDF) lamte zong 26 in gam leh minam, Federal Democracy ading a nuntakna uh piakhia uh a, 59 in liamna baina ngah cih thu NUG, Ministry of Defense zumpi pan pulakna nei uh hi.
Tua kikapnate sungah Ukna buluh (SAC) galkapte lam pan galvan namkim mal 26 banah Dron 1, bomb 1, Thautang nam tuamtuam mal 84 kingah khia cih gen khia hi. Ukna buluh (SAC) galkapte tawh kikapnate ah No (1) Military District nuai (Under Military command) a om PDFs leh Mualmi minam Thau tawi pawl (EROs)te kipawl khawmte mapang khawm uh hi. Drone tawh kapna vekpi 56 vei, Landmine tawh kapna 93 vei, kikapna vekpi gawm 188 vei, kimaituah /kibingtuah akikapna 79 vei hi-in, SAC galkapte’n vanleng tawh 20 vei, Drone tawh kapna 3 vei kineithei ci-in genbeh uh hi.
Source: Khit Thit Media
Translated: Tongsan Admin Team
Hits: 6