July 26, 2023 || Tongsan Media Group ||
National Unity Government (NUG), The Ministry of Defense, No.(1) Area ah abeisa June kha sung Ukna buluh (SAC) galkapte tawh kikapna gawm vekpi 374 vei nei uh cih thu NUG, Defense Ministry pan zanni July 25, 2023 ni-in tangko khia uh hi. Gal kidona mun (Area) te ahi Sagaing Division, Magwe Division, Mandalay Division, Northern Shan State mun tengah kikapna 374 vei sung pan NUG-PDFte lam pan kapna/ dona vekpi 125 vei omin, Kibingtuak akikapna vekpi 103 vei, Landmine siahna tawh kapna vekpi 74 vei, vanlam pan Drone tawh kapna vekpi 46 vei, Galte ahi Ukna buluh (SAC) lam pan gal vanleng tawh kapna 26 vei kihel ci-in, NUG in a ciaptehna uh pulakkhia uh hi.
Hih kikap/ kidonate’ sungah ukna buluh (SAC) galkapte 417 si uh a, 527 liam cih pulak hi. Kikap/ kidona sungah mipi galkap PDF lam pan 47 si-in, 143 in liamna ngah ci hi. Tua banah galte (SAC) te’ tung pan galvan nam tuamtuam nam 48, Drone 25, akipan thauvui thautang tampi kingahkhia ci-in, NUG-Ministry of Defense zumpi pan tangko khia uh hi. Kido/ kikapnate ah PDF lam panin No.(1) Area sung Military ukna nuai a om PDF, Mualmi thautawite ahi (ERO)te leh PDF tuamtuam kipawlin kidokhawm cih pulak uh hi.
Source: Khit Thit Media
Translated in Zokam: Tongsan Admin Team
Hits: 5