Shan State, leilu lam Chin Shwe Haw (ချင်းရွှေဟော်), Custom Department Office pen October 27 ni zingsang nai 4 hunin PDF galkap pawlin sim uh a, SAC galkapte lam pan tampi si-in Custom zum le inn khempeuh vut leh vai suak cih thu kiza hi. “Chin shwe Haw, Custom Office innpi bel kang tum in, SAC galkapte a si tam tuam mahmah uh ee, tuate asite lakah Palik leh galkap kihelkhawm uh “ ci-in aphual a thubul theite in gen uh hi.
Shan State leilu lam a om Chin Shw Haw kim a om SAC te’ tui tung a kilaam Gunkuang (phong)te’ tawlngakna phual a om PDF galkap pawlin tuni October 27, 2023 zingsang tungin buluh in lakhia zo ci-in Chin shwe Haw khuapi sung om tual sung mite in gen hi.
“Chin shwe haw phualpi a vekpi in lakhia zo uh ei! SAC galkapte a si tam mahmah uh! Khua sung zongah kikapna pawlkhat om lai!. Chin Shwe Haw khua tawh tai 4 kigamlatna Sen (China) gam tawh gamgi Wa gam, Nam tit khuapi (နမ့်တစ်မြို့) lamah khuamite tai kek uh” ci-in tual sung mi khat in gen hi. Lashio lam pan SAC galkapte gal huh ding thautang dal mawtaw honkhat le galkap mawtaw honpi pai ci-in genbeh uh hi.
Hits: 5