1027 Operation min tawh galdo pawlin tuni November 16, 2023 ni-in ukna buluh (SAC) galphual 2 lakhiazo leuleu uh cih thu TNLA in tunitak lamin pulakkhia hi. Ta’ang galkap (TNLA) battalion (4) Military Area, Theinni township SAC khut nuai a om ပြည်သူ့စစ် မန်လွင်တပ်စခန်း (Military Council’s Man Lwin military base) pen zanni November 15, nitak (8;00pm) hunin Ta’ang galkap (PSLF / TNLA in busim in lakhia /sutkhia zo uh cih thu TNLA battalion (1) Military Area, Namkham Township Naung-In khuaneu a om SAC Takun galphualpi zong tuni Nov, 16 zingsang (10:50am) hunin Ta’ang galkap PSLF / TNLA in busim in lakhia uh ci hi.
Tua banah TNLA Batallion (1) Military Area, Muse Township Jinsan Chhaw lamka ah tuni zingsang (11:43am) hun in SAC galkapte leh TNLA te kikap uh a, TNLA Battalion (2), Military Area, Kyaukme Township Naung Pein khuaneu lamka zongah SAC leh TLNA te mah tuni zingsang (8:25am) hunin kikapna nei lai uh hi.
TNLA Battalion (2), Military Area, Naungcho Township SAC Tanbu Camp panin Sinphyuzi khuaneu lamah tuni zingsang (04:15am) hunin Thaupi tawh 6 vei val kikapkhin uh a, TNLA Battalion (5) Military Area, Namphatka SAC Camp zong tuni zingsang (05;00am) hun mahin Thaupi tawh 16 vei val Tima, Homao khuaneu lam kap uh cih thu TNLA in thusuah bawl uh hi.
Hits: 4