Shan State, Nam Kham township sung a om ukna buluh (SAC) galkapte’ galphual 3 pen TNLA in busim in Lakhia zo cih thu PSLF / TNLA thukizakna zumpi in pulakkhia uh hi. October 27, 2023 ni zingsang (04:00am) hunin TNLA galkapte’ 1 Brigade military area, Nam Kham township a om Nam Kham – Namphat Highway, 13 Miles Camp, 12 Miles Camp leh Man Mai Camp (Microwave Tower Camp) cih mun teng Taang galkap (PSLF / TNLA) te in busim in lakhia zo uh cih kiza hi.
Tua banah TNLA Brigade 6 military region, Lashio township a om Mai Kyauk (မိုင်းကျက်တပ်စခန်း) leh Tintan (တိန်တန်တပ်စခန်း) te nih zong tuni zingsang (05:20am) hun pawlin Taang galkap (PSLF / TNLA) ten nasiatak kap uh ci hi. Ukan buluh (SAC) galkapten zong Jet Fighter tawh 7 vei, Mi-35 Helicopter tawh 5 vei leh 120/105 Thaupi (Howitzer cannon) tawh 12 vei cih bangin, gal kikapna mun teng kap ziahziah uh cih kiza hi.
Tua kidona sungah SAC galkapte misi luang 18 leh galvan M16 te lawng 3; Carp fire lawng 1; MA4 te lawng 2; MA3 te lawng 11; 60MM te lawng 2; Pistol lawng 1; Khutlot bomb (Grenades) tang 200; M9: 7 RPG: 50 ; 60MM grenades 30; 60MM Thautang (ammunition) tang 100; Leiphum landMines 4; Thautang (10,000 bullets) cih teng banah galvan zat nam tuamtuam honpi khat kingah cih kiza hi.
Hits: 3