September 2, 2023 || Tongsan Media Group ||

Kachin State, Shwe Ku township, Kyaukgyi khua ah phualsat a om Ukna buluh (SAC) galkap 88th Military Council Division nuai a om lei galkap pawl (77th Infantry battalion) te leh Palik len (Police station) te nih Myo Hla (K-PDF)pawlte’n kap uh cih thu K-PDF te’n pulak uh hi. Zanni September 1, ni zingsang lam (03:00am) hunin hih SACte’ galphual pen va kap uh a, kikap hun sung nai 3 dektak a sawt khit nungah Ukna buluh (SAC) lam pan gal huh tung uh ahih manin, Galphual ngahkhia zolo in galhiam, thautang tampi ngah manin, K-PDF pawlte nungkik thei uh ci hi.

” Ukna buluh (SAC) lamte’n galhuh vanleng tawh Myitkyina lam pan tunbeh uh cih kiza ahih manin, buluak / a lakzawh lian dinguh Camp pen la zolo in, galvan teng bek lakkhia in gualzo takin nungkik thei uh a, Galkap khat hingmat in, 5 si hi” cih thu Myo Hla (K-PDF) galkapte khatin gen hi. Tua SAC the 77th Infantry battalionte’ phualpi akap hun sungin SAC galkap lam pan 5 si-in, 6 liam uh a, 1 hingmat cih thu My Hla (K-PDF) galkap khatin gen beh hi. Tua kikapna ah a zawm mahmah SAC galkapte’n zingsang 07:00am khit deuh akipan gal vanleng (Jet Fighter) tawh nihvei, Helicopter tawh 3 vei Kyauk Gyi khua kim teng bomb khiat gawp cih kiza hi

Source: Ayeyarwaddy Times

Translated: Tongsan Admin Team

Hits: 3

Byadmin

Leave a Reply

Your email address will not be published. Required fields are marked *