Auguat 25, 2023 || Tongsan Media Group ||
Sagaing Region, Shewbo Township, Myan Sey khuaneu pan a paikhia Ukna buluh (SAC) galkapte in Khin Oo Township lam manawh in, galdo in a kuankhiatna hangin Khin Oo kim a om khuaneu tuamtuam pan khuami vekpi gawm 15,000 val inn le lo nusia in gal tai uh ci hi. Shwebo township, Myan sey khua ah nitak giak uh a, tuni August 25, 2023 ni zingsang lamin Khin Oo township lam a om khuaneu te ban sual phei uh cih kiza hi.
” Kimaituah a kikapna bel omlo in, khuamite a mat uh zong om nai samlo hih tuak! Hih SAC te’ galkuanna tawh kisai ko, zakna ah Depeyin lam pai ding cih thukiza hi. cih Khin Oo Support Organization (KSO) thuneipa Captain Linn Yaung in gen hi.
Hih SAC galkapte pen August 23, ni-in Khin Oo township Kyun Hle khuaneu kiangah kikapna nei a, Shwebo township, Nyaung Pin Tha khuaneu ah galphual sat a om SAC galkap pawl tawh kigawm in, Khin Oo lamah paikik uh cih kiza hi. Tuni August 25, sun kim (12:00 pm) khit pawlin, Khin Oo township, Kyun Hlee khuaneu kim tung uh ci hi.
Gal kikapna hang a galtai khuamite pen Shwebo township leh Khin Oo township gamgi a om Tha yet Pin khua, Kya Pin Ai (akici) Thee Kone Lay khuaneu, Kyun Hlee khua, Naung Pin Gyi khua, Thein Daw khua, Kyun Twe khua, Man Tha khua, Yone Suh khua, Muh Tha khua, Tet Pye khua, Aung Tha khua, Inpauh khua cihte pan khuami 15,000 val galtai uh cih thu kiza hi.
Hih galkapte’ pen Ye Oo khuapi Taiyin Hospital ah phualsat pawlte hi uh a, August 22, ni-in Khin Oo township lam a om khuaneute phial kapin gal mai nawk uh ahih manun, Mayan Inn khuaneu pan galtai khuamite khat husam in si ci hi.
Source: Myaelatt Athan
Translated: Tongsan Admin Team
Hits: 4