American President lui Former US President Donald J. Trump pen August 24, 2023 ni-in abeisa 2020 kiteelpi Georgia Election ah a guallelhna tungtang ah a zawh theihna ding a tawsawnnate thu (Result) laih / khek sawmna hangin, Atlantic prison sungah minutes 20 sung Thongkia mi suak pak hi.
Fulton County Jail te’ ciaptehna (records) tungtawn ah Trump pen Thongkia mi cih thuciamtehna Cemera kizaih ngongtat in Photo kizaihsak a, Thongkiatna number P01135809 a kipiakhia lai pen apua lamah kitheizak ahih manin, hih thusimte akitheikhia ahi hi. Thong sungah minutes 20 a om kha pak Donald Trump in a ma teenna New Jersey Golf satna tualpi (Golf club) pen Atlanta’s Hartsfield-Jackson Airport pan ama neihsa Jet Vanlengpi tawh ciah kik pah hi.
Kum 77 a phata ahi mai 2024 November kha ciang kinei ding President ding kiteel kik dingin lametna akinei Donald Trump pen America President semte’ tangthu sungah amasapen Thusia nei pa in kiciamteh banah tu’n zong Georgia Election ah mee phazah (Result) laihna ding Government zumpi Vote nasem / thuneite pen Mee guk theihna ding khembawlna, Joe Biden ii Democretic party MPte’ mee (vote) a tawm tuamna ding guta pawlte tawh akipawlkhopna cihte akihel mawhsakna vekpi gawm thubul (13) tawh zum Thukhen zum (Atlanta) ah akisam ahi hi.
Donald Trump pen amah tawh mawhsakna (case) thuak mi 18te pen Politics hansuahna huam sungah kisem hi ci-in, kimawhsaknate thalnial hi. Tulaitak D. J. Trump pen Thongkia mipa cih Photo kizaihna (mugshot)te Social Media tungah alim / zuau vive tawh tampi kikhahkhia himah leh ataktak Photote pen mipite’n kimuthei nailo ci hi.
Source: Burma Media Consortium
Translated: Tongsan Admin Team
Hits: 5