August 30, 2023 | Tongsan Media Group |
Chin Thautawi Pangkhawm pawlte (Chin Defense Forces) ahi; CNF/A, CDF – Thantlang, CDF-Hakha leh CDF – Zophei cih teng pang khawmte in Tilim Operation 3 cih min tawh August 27-28, 2023 ninih sung Thantlang khuapi a SAC galkapte’ phualpi Tatgone Camp leh akim apam a om galphual (Camp) mun 5 banah khua sung a om galphual neu (small Camp) 2 leh Hakha – Thantlang kikal a om Auto Tower mualah nasiatak kikapna nei uh hi. SAC lamte’n Hakha khuapi Thaupi galphualpi pan Thaupi tawh akap banah Jet Fighter zangin bomb khiat ziahziah uh ci hi.
Hih Tilim Operation 3 kikapna ah Ukna buluh (SAC) galkapte lam pan Major Kyaw Soe Min akihel galkap vekpi gawm 37 si-in, 50 val nasia liam mahmah uh a, SAC te’ neihsa Thau lawng 5 leh thautang tampitak Chin Thau tawi pawlte’n ngah khia uh cih thu CDF-Thantlang in tuni August 30, 2023 ni-in pulakkhia hi. Tua banah Chin Defense Forces pawltte zong CNA pan 5, CDF – Thantlang pan 4, CDF-Hakha pan 1 leh CDF -Zophei pan 5, vekpi gawm galkap 15 si uh a, 10 val liam ci hi. SAC lam pan misi luangte leh aliamte Hakha lamah Mawtaw tawh puakhia uh ci hi.
Ref: Zofa Journal / RFA News
Translated: Tongsan Admin Team
Hits: 14