August 14, 2023 || Tongsan Media group ||
Chin State, Thantlang khuapi a om Ukna buluh (SAC)te’ galphual khat pen August 14, 2023 ni zingsang lamin Chin National Army (CNA); CDF-Thantlang leh CDF – Zophei galkapte kipawlin buluh uh a, SAC galkapte 2 hingmat uh cih thu kiza hi.
CNA, CDF Zophei galkapte lam pan Thantlang khuapi lutna kiang a om SAC galkapte’ Company Headquarters pen va sim uh a, Thau lawng 6 ngah khia banah SAC galkap 2 hing matzo uh hi. CDF Thatlang galkapte 1, CDF-Zophei galkap 2, vekpi gawm 3 si uh a, Khuamite 3 zong si cih kiza hi.
Ukna buluh (SAC) lamte a si aliam tampi om uh ahih manin, Hakha khuapi pan Thaupi tawh a kap banah Thantlang khuapi pan tai 5 kim a gamlatna Khuafo khua pen Jet Fighter tawh bomb khiat uh hi. Vanleng tawh bomb a khiatna hangin a si aliam a omloh hangin, Khuafo Baptist Church leh teenna Inn akigawm inn 4 kisiazan cih khuami khatin gen hi.
Abeisa 2023, March 30 ni zongin Khuafo khua pen SAC galkapte’n Vanleng tawh bomb khiatna hangin, naupang 2 akihel khuamite 9 si uh hi. SAC makaipi Senior General Min Aung Hlaing in Sagaing Division, Magwe Division, Bago Division, Thahinthari Division, Karen State, Kayah State, Chin State leh Mon State tengah kikapna khauhpai lua lai ahih manin, thukin hun sung (Emergency period) hi ci a, gal kilemna leh lemna bawl phot loh phamawh ci-in July 31, 2023 ni-in pulak hi.
Source: RFA News & Zalen
Translated: Tongsan Admin Team
Hits: 2