Shan State (Northern), Kutkai khuapi ah January 6, 2024 Kidona khauhpai luatna hangin Ta’ang galkap (TNLA), Information Director in tunitak lamin genkhia hi. December 28, 2023 ni-in Namatu khuapi kilakkhiat zawh Kutkai khuapi pen tatsat loin kikapna om cih in TNLA Information Department in gen khia hi.
“Kutkai khuapi ah tuni bel ni thapai kikapna nasia mahmah a, hih kikapna sungah SAC pawlin Helecopter, akipan vanlam zangin bomb khiat uh hi” ci-in TNLA Information Director in genbeh hi. Tulaitak dinmun ah Kutkai khuapi lakna ding Strategy Hill bek om lai ci hi.
Ta’ang State, Namatu Township Gonesa khua thak ah kikapna omlopi in, SAC galkapte in Vanleng tawh tam veipi kap ngekngek uh cih thu TNLA in zasak hi. Tuni January 5, 2023 nitak lamin SAC galkapte’n Jet Fighter tawh 2 vei, Y-12 tawh khatvei va kap uh ci hi.
Tuni January 6, 2023 ni-in zong SAC galkapte’n TNLA galkap khat Thautang in kha a, mipi teenna inn 5 kisiacip cih pulak hi. Namatu pen TNLA in abeisa December 28, 2023 ni-in lakhiazo uh a, SAC in a zaksakna bangin Vanleng tawh va do uh ahi hi.
SAC leh Ta’ang galkap akipan belpawl Unau 3 ” The Three Bortherhood Alliance” te tawh China gamah kimuhna aneih lai-in, SAC palai Lt. Gen. Min Naing in Mualmi Revolutionary pawlte’ laksa khuapite Vanlam pan Thau tuamtuam tawh kap dingin gen cih thu Ta’ang galkap makaipi Brigadier General Ta Phon Kyaw in genkhia hi.
Hits: 0