Ukraine President Zlansky pen December 13, 2023 ni in Oslo khuapi Norway gam va hawh thei cih thu Norway kumpi in plakna nei uh cih kiza hi. Zlansky pen Norway Prime Minister ii sapna tawh USA a khualzinna pan Oslo khuapi a paisuak ahi hi. Oslo khuapi akibawl ding Norway, Denmark, Sweden, Finland leh Iceland (Nordic) Summit ah akah ding hi a, Ukraine gamah suahtakna leh Democracy (Independence and democracy in Ukraine) galdona ah kipzaw leh hun sawtpi huhna piak zawhna ding cihte bulphuh in kikupna nei ding cih thu Norway Prime Minister zumpi in thupulakna nei hi.
Ukraine Independent and Security pen Norway gam akihel Nordic gamte ah Security hipah ahih manin, Russia gamte’ gamkekna pen hangsan takin a langdo President Zlandsky makaih Ukraine galdona pen huhna piak suaksuak lai dingin Norway Prime Minister in genkia hi. Zlansky pen Arzentina President thak kiciamna hunpi ah a va kah khitteh USA, Washington khuapi a pai suak ahi hi.
Washington a Parliament MPte, Defense, Industrialist te tawh a tuam vilvel in US President zong tawh kimuhkhopna nei hi. US Parliament ah Ukraine huhna piakna tawh kisai a zekai tawh akibat hangin, Zlansky ii khualzinna tungtang ah US $ Awn 200 man galvan huhna piak dingin US in thupulakna nei hi.
Hits: 3