January 20, 2024 nitak lamin Houthi ngongtat makaipi khat leh Iran thaupi lam thudotpi (Iranian missile advisers) 2 te US in Drone tawh kaplum uh cih thu Yemen gamah phualsat Thuthak lam saite in genkhia hi. Yemen gam Shaab Al-Makhdara region a om Houthi missile Camp pen US in Drone tawh kap uh ci hi. Houthi Ngongtat pawlin Tuipisan (Red sea) sung pan Missile tawh kap dingin mun alak laitak in US in va kapkha thei hi ci-in, Yemen Media in genkhia hi.
Houthi Makaipi leh Iranian Missile adviser pawlte a min uh pulakkhia lo uh hi. Houthi missile Camp pen Januray 20 ni-in nikhat sung bekbek in US galkapten nihvei kap uh cih Yemen Media in gen hi. Nisuahna gam laizang tawh kisai US galkap zumpi (The Office of the US Joint Chiefs of Staff for the Middle East) zong Houthi ngongtat pawlin Tuipisan (Red sea) sung pan Houthi missile tawh akap sawm laitak lianin, US galkapte’n January 20 ni-in suksiat sak thei uh cih Media pawlin genkhia hi.
Hits: 2