US State Department, USAID pan thuneite leh Kawlgam minam makaite November 1, 2023 ni-in Washington D.C, State Department zumpi ah kimuh khopna nei uh a, tualai ah Kachin kipawlna pan M Tu Aung, Chin Community of USA, Inc. – D.C Area leh Zomi Federal Union / PDF-Zoland Kipawlna pan Pu Dong Khan Khup leh Kayah kipawlna pan Nic Shar makaipite kihelthei uh cih kiza hi.

Tua kimuhkhopna ah tulai tak Kawlgam dinmun tawh kisai thu tuamtuam, Humanitarian aid huhna piakna ding leh National Defense Authorization Act (NDAA) vai cihte kikupna thupitak nei thei uh cih thu kiza hi. Hi bangin mual mimakaite in Myanmar gam vai tawh kisai US Kumpi thuneite tawh thukikupna hong neih theih manin, adiakdiak Zomite leh tulaitak Revolution maban kalsuanna ding leh mai lam i gam leh lei kilamkikna dingte ah lametna leh lungmuanna kinei tuam mahmah ci-in Pu Dong Khan Khup in Tongsan Media tanute’ tungah zasak hi.

Reported: Pu Dong Khan Khup, ZFU / PDF-Zoland

Hits: 5

Byadmin

Leave a Reply

Your email address will not be published. Required fields are marked *